Cabugao, Ilocos Sur – Masarakan ita ti pagopisinaan ti National Tobacco Administration (NTA)-Cabugao Area iti napabaro a pasdek a pagopisinaan met ti NIA-Gaco iti Brgy. Cuancabal, Cabugao, Ilocos Sur.
Segun ken ni Mr. Tomasito Taloza, Chief ti NTA-Cabugao Area, paset ti istruktura ti Opisinada iti pannakaidanon ti napintas a koordinasion kadagiti partner-agency-da ken dagiti mannalon ti tabako a kangrunaan a maserbisyuanda ditoy nga ili.
Innayon ni Mr. Taloza nga agdama nga ipatpatungpal ti Opisinada ket iti monitoring ti panagmula dagiti mannalon ti tabako iti Dry Season 2016-2017 (Nobiembre-Mayo).
Kadua ni Mr. Taloza dagiti empleado a mangbukel iti NTA-Cabugao Area nga isuda Mr. Laurence R. Bueno ken maysa nga Staff Member. # (Web In-Action)
No comments:
Post a Comment