Cabugao, Ilocos Sur - Agtultuloy ti serbisio nga ipapaay ti Stimulation and Therapheutic Activity Center (STAC) kas iti Physical Therapy ken Special Education kadagiti klienteda nga ubbing ken nagannak a naggapu iti nadumaduma a lugar a naggapuanda.
Iti pannakiuman ti Web In-Action iti Enero 6, 2017, imbatad ni Ms. Jane Ronque Barroga, STAC Physical Therapist a naanus dagiti STAC Staff iti pannakaisuro/pannakataripato dagiti adda an-annayenna nga ubbing a maipan iti STAC-Cabugao.
As-asikasuen met dagiti dadduma nga Staff Members nga isuda Ms. Marilyn Soller-Jahakkal, Physical Therapist ken ni Ms. Jane Soller, Special Education Worker ti pakaseknan dagiti ubbing/nagannak/sangaili iti aldaw nga eskediulda a papanda iti STAC-Office a masarakan ti pasdekna iti Cabugao South Central School Compound, Brgy. Bonifacio, Cabugao, Ilocos Sur.
Ti STAC-Cabugao ket maysa nga institusion a sanga iti MSWDO-LGU Cabugao ken mangnaynayon ti tulong kadagiti adda an-annayenna nga ubbing a kas iti Special Education Center (SPED) ti Cabugao DepED District a masarakan iti isu met laeng a pageskuelaan. # (Web In-Action)
No comments:
Post a Comment