Cabugao, Ilocos Sur – Naangay ti tallo nga aldaw, Enero 27-29 iti “Sun Soaked Ilocos Sur Beach Festival 2017” a ditoy ket napagsasalipan iti Beach Volleyball ken Frisbee Competition idiay Cabana Beach Resort (CBR), Brgy. Pug-os, Cabugao, Ilocos Sur babaen iti panangtarawidwid ti Benneg ti Sports ti Provincial Government ken inesponsoran da Former Congressman Ronald V. Singson, ken ni Governor Ryan Luis V. Singson ken kinakammayet ti LGU-Cabugao nga idauluan ni Mayor Josh Edward S. Cobangbang.
Naaramid ti Preparasion ken naluktan iti paay-ayam idi Enero 27, 2017. Nagatendar ditoy da Nag-Diputado Ronald V. Singson ken ni Governor Ryan Luis V. Singson agraman dagiti Opisiales ti Hunta Probinsial ket linukatanda ti panangrugi ti paay-ayam a no sadino a ditoy ket nagpartisiparan dagiti kameng ti nadumaduma nga asosasion ti sports iti pagilian.
Nagatendar ni Mayor Josh Edward S. Cobangbang a nangitedanna ti Mensahena iti pammasangbay a para iti sapasap a nakikaysa kadaytoy nga water sportsfest.
Iti pannaki-amad ti Web In-Action ken ni MDRRMC Officer Engr. Nestor B. Somera, naaramid ti naipabuya a dua nga event iti las-ud ti dua nga aldaw a nagbuyaan ti adu a bilang ti umili ken sangaili iti aplaya ti Barangay Pug-os, Cabugao, Ilocos Sur kadagita a petsa.
Innayon ti MDRRMC Officer a malaksid iti pannakaipromot ti Turismo ken Natural Resources iti lokalidad ket mairaman pay iti oportunidad para iti negosio a mangpataud iti trabaho dagiti panggep daytoy a paay-ayam ken maipabuya.
Naaramid ti Awarding iti napagsalipan a Dragon Boat Racing (naaramid idiay Magsingal) ken Beach Volleyball iti Cabugao Beach Resort, Barangay Pug-os, Cabugao, Ilocos Sur iti karabiyan ti Enero 28, 2017.
Naipamaysa ti Frisbee Competition iti Enero 29, 2017.
Kadagiti met aldaw ti pasalip, nakikaysa dagiti kameng ti First Aid Team ti RHU-Cabugao ken ti Cabugao Rescue nga idauluan ni Engr. Nestor B. Somera iti LGU-Cabugao agraman ti Kapolisan ken dagiti BPATS/Tanod iti nadakamat a barangay iti pannakatarabay dagiti agsasalip ken dagiti bisita kadaytoy a barangay.
Dagitoy a water sports ket pakauna a mangkulminar iti pannakaselebrar ti 13 nga aldaw a 10th Kannawidan Ylocos Festival 2017 iti Probinsia ti Ilocos Sur a marugian iti Enero 30, 2017 nga agpatingga inton Pebrero 8, 2017. # (Web In-Action)
No comments:
Post a Comment