Cabugao, Ilocos Sur – Iti pannakiuman ti Web In-Action iti Enero 6, 2017, imbatad dagiti Municipal Link Staff ti 4 Ps a napagsasaritaan ken nasolusionan dagiti naidokumento a pakaseknan ken problema dagiti 4 Ps iti ili a Cabugao, Ilocos Sur iti Tawen 2016.
Innayonda a maitultuloy a maipatungpal ti Family Development Session (FDS) ita a Tawen 2017 kadagiti barangay agsipud ta daytoy ti “pannakapuso” ti programa iti serbisio-sosial ti DSWD ken ti LGU.
Sakbayna, naangay panagmiting ti Municipal Advisory Committee (MAC) idi bulan ti Hulio 2016 babaen iti kabarbaro nga Administrasion nga idauluan ni Mayor Josh Edward S. Cobangbang ti ili a Cabugao, Ilocos Sur.
Ni Mayor Josh ti nag-Preside iti nasao a miting iti Opisinana a nagatendaran dagiti Staff nga idauluan ni MSWD Officer Mrs. Lydia S. Gazmen; Municipal Operations Office ti 4 Ps; Parent-Leaders ti 4Ps; pannakabagi ti DOH-RHU ken iti DepED idi Hulio 11, 2016.
Kangrunaan a nataming iti nadakamat a miting iti pannaka-update dagiti pakaseknan dagiti 4 Ps Beneficiaries agraman iti pagturongan ti programa.
Sakbayna, napadayawan ti LGU-Cabugao pakaseknan iti binulan a pannakaipatungpal daytoy a programa ti DSWD ket immawat ti Certificate of Recognition a nagun-odna manipud iti Department of Social Welfare and Development (DSWD), Regional Office 1 idi Pebrero 18, 2015.
Nagun-od ti LGU-Cabugao ti pammadayaw maigapu iti gapuananda kas nailanad: “Institutionalizing the conduct of monthly Municipal Advisory Committee Meeting for CY 2014”. # (Web In-Action)
No comments:
Post a Comment