Cabugao, Ilocos Sur – Kalpasan ti Flag Ceremony iti Enero 3, 2017, kinablaawan ni Mayor Josh Edward S. Cobangbang dagiti katinnarabayna nga Opisiales-Lokal ti Ili, Department/Section Heads dagiti Opisina ti LGU ken dagiti amin a Personnel a mangbukbukel ti Pamilia-LGU Cabugao iti panagrugi ti panagtrabahoda iti umuna a lawas ti Tawen 2017.
Nangipaay ti Ama ti Ili iti pangablaaw para iti sapasap ken dagiti naiyam-ammo nga Empleado a maselebraran ti panagkasangayna iti Enero 2017 ket impaganetgetna kadagiti padana a Public Servant iti agtultuloy a panangipaayda iti napintas a serbisio kadagiti umili ken iti panangtamingda kadagiti masanguanan nga aktibidad a maigannuat ditoy Munisipio.
Pinadayawan pay ni Mayor Josh Edward ti Kapolisan agraman iti BFP iti agtultuloy a pannakamantener ti linak ken talna partikular iti kallabes a napaut a Holiday Season (Paskua 2016 ken ti New Year 2017). # (Web In-Action)
No comments:
Post a Comment