Monday, September 4, 2017

1st FLAG CEREMONY TI SETIEMBRE 2017, NATUNOS TI PAMILIA- LGU

Cabugao, Ilocos Sur – Indauluan ni Mayor Josh Edward S. Cobangbang dagiti katinnarabayna nga Opisiales-Lokal ti Ili, Department/Section  Heads dagiti Opisina ti LGU  ken dagiti amin a Personnel a mangbukbukel iti Pamilia-LGU Cabugao iti  Seremonia ti pannakaingato ti Nailian a Bandera  iti umuna  a Lunes ti bulan a panagrugi ti panagtarabahoda iti Setiembre 2017.

Indauluan pay ti Ama ti Ili  a nangkablaaw kadagiti naiyam-ammo nga Empleado a mangselebrar iti panagkasangayda iti Setiembre  2017.

Kabayatanna, impakaammo ni SB Secretary Maxfel S. Suboc ti pannakaangay iti Public Hearing maipapan iti  Draft nga Ordinansa a mangobligar iti amin nga empleado ti LGU kasta metten dagiti Opisiales ti Barangay nga agdalanda iti drug test.

Kabayatanna, inpakaammo ni HRM Officer Teresita “Mimi”  S. Sison iti panagsarita iti sango ti kabarbaro a nadutokan nga OIC Chief of Police ti ili a Cabugao, Ilocos Sur.  Kalpasan a nagsarita ni PSI Carbajosa ket binasana ti Mensahe ni DND Secretary Delfin Lorenzana para iti sapasap maipapan iti pannakamantener ti linak ken kappia. 

Nagkaykaysa dagiti Konsehales ti ili nga isuda SBM Danny Q. Gazmen; SBM Vicky S. Serna; Dr. Jemaima S. Tan-Yee; SBM Josefina S. Vallejo  ken ni SBM Atty. Randy Baniaga G. Kinaud a nangbayabay ken ni Mayor Josh Edward a nangkablaaw kadagiti agkasangay nga empleado kabayatan iti Flag Ceremony. # (Web In-Action)

No comments:

Post a Comment