Cabugao, Ilocos Sur – Segun ken ni Mr. Warren Sumibcay, ALS Mobile Teacher, Cabugao South Central School, Brgy. Bonifacio, Cabugao, Ilocos Sur, adda 60 nga estudiante a Learner iti Alternative Learning System (ALS) iti nasao a pagadalan a napasnek nga agbasa ken determinado a makaruar iti School Year 2017 - 2018.
Innem nga oras ti panagbasada iti makalawas ken ileppasda ti panagadalda iti 10 a bulan, segun pay iti ALS Mobile Teacher.
Iti agdama, madama a maisubmiter dagiti kangrunaan a papeles a pakaseknan iti kabibiag ti agbasbasa nga ALS a kasapulan iti panakakualipikarda nga ageksamen iti bulan ti Oktubre 2017.
Mangnamnama ti Cabugao DepEd District a babaen iti agtultuloy a suporta ti Gobierno Munisipal kadagiti programa ti DepED ket maidur-as daytoy a sistema ti Edukasion iti Cabugao, Ilocos Sur. # (Web In-Action)
No comments:
Post a Comment