SCHOOL GATE MONITORING SYSTEM, NAINAGORASIONAN

Cabugao, Ilocos Sur – Naaramid ti Blessing & Inauguration ti naipasdek nga School Gate Monitoring System iti  Cabugao National High School iti Barangay Turod, Cabugao, Iocos Sur iti Setiembe 28, 2017.

Binayabay  ken kadua ni Mayor Josh Edward S. Cobangbang ni FPTA President Rommel Vivit a nanggetteng ti ribbon ken kangrunaan a nasangaili ti Ama ti Ili iti nasao nga inauguration ceremonies.

Naisaruno ti pannakaidaton ti Kararag babaen ken ni Rev. Fr. Felix A. Costales iti imatang dagiti sangaili, Opisiales ti Barangay; estudiante ken mangisursuro iti nadakamat a pagadalan  sa binendisionan ti Padi iti  kabarbaro a pasdek a nakaibalayan ti Digital ID System iti sungadan ti pageskuelaan. 

Naaramid ti Ababa a Programa iti asideg ti nadakamat a pasdek.

Iti Mensahe ni Mayor Josh Edwad S. Cobangbang, kimmablaaw ken nagyaman iti pannakalpasen  ti  nadakamat a proyekto.

Innayon ni Mayor Josh Edward  a daytoy pay laeng a pageskuelaan iti adda kastoyna iti lokalidad ket saan a maudi ken maikawkawa dagiti estudiante no mapandanto agbasa idiay Siudad wenno Manila.

Pinadayawan ti Ama ti Ili iti napintas a pannakilangen ken tunos ti pageskuelaan iti LGU a nangipaay kadaytoy a proyekto ket sapay ta agtultuloy latta ti tinnunos iti amin a maseknan tapno matun-oyan  pay iti ad-adu a pagsayaatan para iti pagadalan.

Simmaganad ti panagsarita da FPTA President Rommel Vivit; SBM Dr. Jemaima S. Tan-Yee, Chairman, Committee on Education ken ni Brgy. Captain Inocencio S. Sadac iti Barangay Turod. Anag ti mensaheda iti pannakataginayon iti urnos ken panagtitimpuyog kasta metten iti dakkel a panagyamanda iti LGU-Cabugao  ken  iti administrasion ni Fomer Mayor Edgardo “Ediboy” S. Cobangbang, Jr. a nangirubuat iti pannakapaadda daytoy a proyekto.

Nakipaset dagiti kameng ti Konseho iti Barangay Turod; FPTCA Members and Officers; dagiti kameng ti Konseho Munisipal nga isuda SBM Vicky S. Serna; SBM Dr. Jemaima S. Tan-Yee; ken ni SBM Josefina S. Vallejo.

Nagpaay nga Emcee ni Mrs. Rocilyn S. Sabaten, Head Teacher III ti pagadalan. # (Web In-Action)