Cabugao, Ilocos Sur – Nagkakammayet dagiti kameng ti MDRRMC- Cabugao Rescue;
BFP Cabugao; RHU Medics; PNP-Cabugao ken dagiti BPATS-Tanod iti pasalip ti UNIT 1 MEET 2017
a maang-angay iti Cabugao Athletic Oval, Brgy. Bonifacio, Cabugao, Ilocos Sur.
Imbatad dagiti Rescuers a sisasaganada nga umarayat iti aniaman a mapasamak nga insidente kadagiti agsasalip a Players kabayatan iti tallo nga aldaw (Setiembre 22-24, 2017) a pannakaiyusuat ti pasalip iti uppat nga ili.
Innayonda nga agtultuloy iti pannakapapigsa ti IEC (Information, Education and Communication) nga aspeto iti panagarayat babaen iti pannakausar dagiti Mobile Phones; Gadgets; Hotlines; Powerpoint; ken dagiti Reminders Board kadagiti desgrasia ken kalamidad ken no adda dadakkel nga aktibidades a kas itoy.
Insupusopda pay a papigsaenda latta ti “collaboration” iti MDRRMC; RHU-Medics; PNP-Cabugao; BFP-Cabugao ken ti Cabugao Rescue Team ta dagitoy iti kankanayon nga agkakadua/agtitinnulong no adda insidente ken kalamidad nga aksionanda.
Dagitoy nga aksion ken inisiatiba ket gubuayen ti naurnos a panagsagana iti panawen ti emerhensia tapno maprotektaran ken maalay-ayan ti epekto dagiti dumteng a kalamidad/insidente. # (Web In-Action)
No comments:
Post a Comment