Wednesday, September 6, 2017

MEETING TI SENIOR CITIZEN ITI SETIEMBRE 5, NABUNGA

Cabugao, Ilocos Sur – Naangay ti Meeting dagiti Opisiales ken Kameng ti Cabugao Federated Senior Citizen idi Setiembre 5, 2017 ket tinamingda manen  dagiti pagsayaatan dagiti nataengan  para iti bulan ti Setiembre 2017. Naaramid ti mitingda iti pasdek ti Senior Citizens’ Center, Brgy. Rizal, Cabugao, Ilocos Sur.

Impakaammo ni Mr. Bonifacio Somera, Presidente a nagatendar dagiti Staff ti MSWDO tapno makipagtamingda  kadagiti kangrunaan nga agenda a napanda trinatar. 
Nakitinnarabay met ni Mr. Remigio Sunico, OSCA Head iti nasao a miting.

Kalpasan ti pannakakanta ti Philippine National Anthem, naisaruno ti Roll Call, President Report, Treasurer Report ken dadduma pay a pakaseknanda.

Nataming pay dagiti Death Aid ken iti eskediul dagiti igannuatda a Prayer Service.

Nakablaawan ken nakantaan dagiti nagkasangay a Senior Citizen ita a bulan ti Setiembre 2017.  # (Web In-Action)

No comments:

Post a Comment