Thursday, September 28, 2017

TARIPNONG TI NEW CABUGAO ONION AND GARLIC GROWERS, NAANGAY

Cabugao,, Ilocos Sur -  Naangay ti miting dagiti Opisiales/Kameng ti New Cabugao Onion and Garlic Growers Association nga idauluan ni Mr. Henry B. Saliganan  idi Setiembre 27, 2017 iti Rizal Park, Brgy. Rizal, Cabugao, Ilocos Sur.

Maibasar iti rekord, umaboten  ti 40 dagiti Miembros iti nasao nga Asosasion.

Kangrunaan a napagpapatangan ditoy iti panagbibingayda   iti masublatda a puonanda iti panagmulada ken nataming ti dadduma a pakaseknanda a kas  iti pinansial; aktibidad ken kasasaadda   ita a Tawen 2017. Napagnanaminganda pay nga agbayaddanto iti P100 iti tunggal kilo a mabulodda.
Naballigi pay a trinatarda dagiti dadduma a pakaseknanda iti uneg ti asosasion-da a pangpatibker ti gimongda. 
Innayon ni Mr. Saliganan nga iti pannakimitingda ken ni MAO Robert Savella idiay Kapitolio ket inkari ni Gobernador Ryan iti tulong nga ganagan iti mula dagiti Onion and Garlic Growers iti Ilocos Sur; pannakapili dagiti nakalidad a bin-i ken iti merkado ti produksion kadagitoy a mulmula. 

Dagiti Opisiales ti New Cabugao Onion and Garlic Association ti ili:

President – Henry Saliganan; Vice President – Wenceslao Soto; Virginia  Seatriz,  Secretary; Melinda Aquino, Assistant Secretary;  Treasurer –Renato Federico; Assistant Treasurer - Ernie Silario;  Auditor – Emigio Saribay; Business Manager – Aurelio Tabil ken Renato Sapla.

Ti Asosasion ket buklen dagiti agmulmula kadagitoy a cash crops a masarakan ida iti Brgy. Pug-os, Salapasap, Dardarat, Namruangan, Daclapan, Sabang, Salomague, Alina-ay, Turod ken Baclig. # (Web In-Action)

No comments:

Post a Comment