Friday, September 8, 2017

CLEAN-UP DRIVE, ANG-ANGAYEN TI PTA-CABUGAO SOUTH CS KADA WEEKEND

Cabugao, Ilocos Sur –Ang-angayen ti PTA-Cabugao South Central School, Cabugao, Ilocos Sur  iti linawas tapno madalusan a naan-anay ti uneg dagiti kuarto ken aglikmut iti pageskuelaan agraman iti National Highway a mabatogan ti pagadalan.

Iti napalabas a General Assembly Meeting ti PTA, ti regular a panagdalus iti naipangruna a natratar kasta metten dagiti nagapuananda a naipalaon iti Accomplishment Report. Nagyaman  ni Mrs. Estrellita M. Siruno, Principal II iti agtultuloy a pannakitinnulong ti PTA kasta metten iti LGU-Cabugao iti pagdurdur-asan ti pageskuelaan. Dinayawna ti kinamannakitinnulong dagiti nagannak, Guardians iti pannakamantener  ti pagadalan ti Cabugao  South Central School.

Malaksid iti panagdaldalus, kanayon met a maireport dagiti nagapuanan ti PTA babaen iti Financial Reports iti benneg ti PTA Funds; School Fund; School Canteen Fund.
Naisaruno a nataming  iti School Concerns and Issues kas iti School Safety Rules and Measures, Child Protection Policy/Anti-Bullying,  Brigada Eskwela, School Feeding Program, Preparation of School Garden  (SIGA), Schedule of Work/Clean up Drive, Cleanliness and Beautification, Membership to Organization (MB, GSP, BSP, Sports, Choir), DepED Issuances ken dadduma pay a pakaseknan ti PTA.

Maidatag met dagiti amin a problema ken pakaseknan iti uneg ti pagadalan ket matratar a nasayaat ken mapagpapatangan iti solusionda.

Pinagyamanan ni Mrs.  Siruno iti agtultuloy a kooperasion dagiti nagannak ken dagiti mangisursuro iti  Cabugao South Central School kasta metten  a pinagyamananna pay dagiti kakaduana nga opisiales ken kameng ti PTA-Guardians nga idauluan ni Mr. Walberto Torres, Presidente a kaduada  a mangisuro iti pagsayaatan kadagiti ubbing iti panagadalda. 
Kabayatanna, naaramid ti Clean-up Drive iti intero a Grade Level ti CSCS iti Setiembre 8, 2017 kas panagsagana iti pannakaituloy ti District Meet Competition 2017 inton Setiembre 9-10, 2017 iti Cabugao Oval. # (Web In-Action)

No comments:

Post a Comment