Cabugao, Ilocos Sur – Naaramid ti pannakimiting da Municipal Fisheries Coordinator Nereo S. Daproza ken ni Cabugao Fishermen Federated President Magno Carbonel kadagiti Asosasion ti mangngalap a mangbukel iti Cabugao Federation of Fishermen and Vendors Association tapno maestudiar ti rekord ti asosasionda nangruna iti membership ta maysa la koma nga asosasion ti pagmiembruan ti kada mangngalap ken matingiting no rehistradoda iti Pederasion wenno iti DOLE wenno SEC.
Ti pannaki-dialog dagiti nadakamat nga Opisiales kadagiti mangngalap ket paset iti Direktiba ni Mayor Josh Edward S. Cobangbang a ma-validate a nasayaat dagiti Asosasion ken mapatibkerda sakbay nga awatenda iti mabatayanda iti 2.6 Million a Livelihhood Check nga inted ti DOLE kadakuada a sektor itay nabiit.
Kabayatanna, inulit manen dagiti Opisiales ti Pederasion a mabenepisiaran kadaytoy iti nasged a panagyamanda iti LGU-Cabugao ken iti Ahensia ti DOLE iti pannakaruk-at ti nadakamat a gatad kasta metten nga agyamanda met iti agtultuloy a panangtarabay ti LGU-Cabugao nga idauluan ni Mayor Josh Edward S. Cobangbang iti pannakagun-odda iti kalikagumda. # (Web In-Action)
No comments:
Post a Comment