Cabugao, Ilocos Sur – Nai-turnover ti proyekto a burias para iti dua nga “Small Water Impounding System Association-SWISA iti Barangay Carusipan ken iti Sitio Caset, Barangay Maradodon kas panagsaganadda idi Seteimber 15, 2017.
Mismo a ni Mayor Josh Edward S. Cobangbang a kaduana da Vice Mayor DJ Savellano ken ni SBM Dodgie Santella ti nangyawat kadagitoy a burias: 30 iti Barangay Carusipan SWISA ken 7 iti Sitio Caset SWISA ken inimatangan dagiti lumugar ken miembros ti asosasionda iti nasao a turn-over.
Pinagyamanan dagiti immawat ti proyekto nga idauluan da Mr. Robert Siruno ken ni Mr. Aniceto Garcia iti LGU-Cabugao ken iti Department of Agriculture (DA).
Ti proyekto a SWISA ket naisangrat a pangsolbar ti pagpadanuman dagiti rainfed area kas kadagiti nadakamat a barangay iti Munisipalidad ti Cabugao. # (Web In-Action)
No comments:
Post a Comment