Friday, September 22, 2017

UNIT 1 SPORTS COMPETITION 2017, NARUGIAN

Cabugao, Ilocos Sur – Maangay ti umuna nga aldaw, Setiembre 22, 2017 iti 3-Day  Unit   1 Sports Competition 2017 (Setiembre 22-24)  kadagiti pageskuelaan (Elementary ken High Schools)  iti uppat nga ili a kas iti Sinait, Cabugao, San Juan ken ti Magsingal, Ilocos Sur iti uneg ti Cabugao Athletic Oval, Barangay Bonifacio, Cabugao, Ilocos Sur a pagatendaran dagiti napili nga Atleta a mangibagi iti tunggal pagadalan ti kada ili, Officiating Officials, Coaches, mangisursuro ken dagiti nagannak a mangtarabay kadagiti annakda a makibalubal  iti dayta nga umuna nga aldaw ti panagsasalip iti nadumaduma nga sports events.


Sakbayna, naaramid ti Parada dagiti Delegado; Sports Officials ken dagiti Coaches iti aglikmut ti Poblasion sakbay a naaramid ti ababa a programa iti School Stage ti Cabugao South  Central School a sumango iti Cabugao Athletic Oval.


Impaay ni Mayor Josh Edward S. Cobangbang ti Words of Welcome kalpasan ti Prayer ken pannakakanta iti Pambansang Awit.



Kimmablaaw ken nagyaman ni Mayor Josh Edward ta ditoy Cabugao ti pakaangayan ti Unit Meet 2017  agsipud ta addaan iti pasilidad a kas iti Athletic Oval a mayataday a pagay-ayaman iti aggigiddan nga events.



Bininsa ti Ama ti Ili iti pateg ti Sports a mangpadur-as ti kapadasan dagiti agad-adal a mangragpat ti balligi. Innayonna iti pannakataginayon koma ti disiplina ken sportsmanship dagiti agsasalip agingga nga agleppas.



Nagsarita met dagiti Superbisora ti ili ti Cabugao; San Juan ken Sinait nga isuda Dr. Consesa T. Rumias; Mrs. Madelene R. Aglibut ken ni Dr. Victoria A. Battad kas panagsaganandda.



Kimmablaaw ken nagyamanda iti amin a nakipartisipar iti daytoy damo nga aldaw ti kompetision. 



Dinayawda iti agtultuloy a suporta dagiti Opisiales ti DepED ken ti LGU Cabugao ta daytoyen ti maikapat  a tawen a maang-angay ti Unit Meet ditoy.



Kunada a  babaen iti daytoy a kompetision ket mapili manen dagiti Atleta iti tunggal Unit ti DepED-Ilocos Sur a makipaset iti Division Sports Competition 2017 ita a tawen.



Simmaganad ti Lighting of the Symbolic Torch babaen ken ni Randy Ilar, RIAA Player.



Naaramid ti Presentation of Athletic Delegates babaen kadagiti Head iti Athletic Delegation iti uppat nga ili ken kasta metten iti Hoisting of the Delegation Flags babaen kadagiti Opisiales Lokal ken DepED iti tunggal ili a nagatendar.




Kalpasan ti intermission number ti Sinait NHS Dance Sports Crew, Gold Medalist ket naisa iti bandera dagiti Delegation Flags babaen kadagiti Public Officials; Public Schools District Supervisor; School Principals ti Public ken Private Secondary Schools kasta metten dagiti   District MAPEH Coordinators.



Nangipaay ti Affirmation  of the Amateur Athletic Oath ni Tristan Joshua Ibuos, Badminton Player, Palarong Pambansa 2016. 



Nakikaysa met iti nasao a programa dagiti Opisiales ti ili a Cabugao nga isuda SBM Danny Q. Gazmen; SBM Vicky S. Serna; SBM Dr. Jemaima S. Tan-Yee; SBM  Josefina S. Vallejo ken ni SBM Atty. Bryan Jett S. Pano  nga idauluan ni Mayor Josh Edward S. Cobangbang; kasta metten dagiti Opisiales ti DepED iti uppat nga Ili. 



Ti  ili a Sinait iti Host Municipality iti pasalip ita a tawen 2017 nga idauluan ni Mayor Glen B. Guzman. # (Web In-Action)

No comments:

Post a Comment