OKEY TI MATH CLASS

Cabugao, Ilocos Sur – Naangay  ti Math Class iti Cabugao DepED District iti intero a Munisipalidad ti Cabugao iti aldaw ti Sabado. Dagiti dua  a pageskuelaan a pakaisentruan  ti Math Class ket   iti Cabugao South ken North Central School kadagiti pageskuelaan  iti ili a Cabugao, Ilocos Sur.

Iti pannakiuman ti Web In-Action, imbatad dagiti kaaduan a nagannak/guardians kadagiti napili nga ubbing a naanus a nagbantay iti ruar ti klase a maragragsakanda ta maipamaysa a masanay dagiti annakda iti Subject a Math.
Kadagiti met ubbing a nairaman kadaytoy a panagsanay ket kayatda met a takuatan ti kabaelanda ken maibilang a parte ti pannakadisiplinada daytoy nga aktibidad a paiwayat ti DepED.

Innayon dagiti mangisursuro a maobserbaran  a kaaduan kadagiti nagenrol nga agbasbasa ket pagduyosanda ti Matematika ken isuda ti kaaduan a maikonkontes iti sabali pay nga asignatura a kas iti Science Subject iti benneg ti Distrito ken iti Division ti DepED-Ilocos Sur.  # (Web In-Action)