Thursday, June 21, 2012

DAPROZA, MANGIBAGI TI ILOCOS SUR ITI PANAGSANAY TI KASAKALIKASAN-SEARICE

Cabugao, Ilocos Sur – Babaen ti surat ni DA  Regional Executive   Director Valentino C. Perdido, Ph. D. ken ni Mayor Edgardo “Ediboy”  S. Cobangbang, Jr., a napetsaan ti Hunio 19, 2012, napili ni Mr. Nereo S. Daproza, Municipal Rice Program Coordinator, LGU-Cabugao, Ilocos Sur a maibaon ken mangibagi ti Probinsia ti Ilocos Sur iti maangay a 10 nga aldaw a panagsanay iti “Trainers Course (ToT) for the conduct of Farmers Field School in Participatory Plant Breeding” nga iwayat ti National IPM Program (KASAKALIKASAN)  a kakinnammayet  ti Southeast Asia Regional Initiatives for Community Empowerment (SEARICE) ken maangay daytoy a seminar idiay Clarin, Misamis Occidental mangrugi inton  Hunio 25 agingga iti Hulio 4, 2012.

Inaprobaran ni Mayor Ediboy ti Travel Order ni Daproza ta  dayaw ti ili a Cabugao daytoy  ken  mangnayon ti sirib  dagiti  agipatungpal iti programa a mangidur-as   ti teknolohia ken kasasaad dagiti mannalon iti komunidadda.

Iti nasao a panagsanay, buklen  ti mayadal iti  capability building activity, strengthening of farmers management of plant genetic resources conservation, ken development and use of sustainable farming systems a mainaig amin iti nayusuat a Farmers Field School a mangiyagpang ti kaammuan dagiti mannalon iti amin nga aspeto ti panagtalon tapno rumang-ayda  iti kasasaadda. # (Web In-Action)

No comments:

Post a Comment