Wednesday, June 20, 2012

KALLAYSA, AGTULTULOY NGA ANNONGEN NI MAYOR EDIBOY

Cabugao, Ilocos Sur – Iti panagdenna ti agassawa,  paset ti tradision ken  gubuay  ti  talingengen ti biag no agkallaysada   iti imatang ti linteg.

Iti bulan ti Hunio 2012, umabot ti lima a paris nga agpimpinnateg  ti nangawat ti Sakramento ti Matrimonio iti imatang ken panangannong  ni Mayor Edgardo “Ediboy” S. Cobangbang, Jr. iti mismo nga Opisinana. Daytoy a panangwatwat ti Alkalde iti pagrebbenganna ket mangipaay  ti napintas a panaglangen ken  masakbayan dagiti agassawa iti pannakabigbig ti naan-anayen a panagtiponda  kas maymaysa a lasag.

Ita a Hunio 20, 2012, naaramid ti panagkallaysa da Mark G. Viloria ken ni Leah T. Padrequila babaen ti panangannong ni Mayor Ediboy iti imatang dagiti kabagian, esponsor,  ken ipatpategda ti biag. # (Web In-Action) 

No comments:

Post a Comment