Wednesday, June 13, 2012

DETERMINADO TI LGU A MANGIDUR-AS TI GREENING PROGRAM

Cabugao, Ilocos Sur – Determinado ita a bulan ti Hunio a nayonan/itultuloy  ti Gobierno Munisipal nga idauluan ni Mayor Edgardo “Ediboy” S. Cobangbang, Jr. ti  naimula a seedlings kadagiti barangays a  masakupan ti Munisipalidad babaen ti pannakaruk-at ti pinuon ti seedlings nga inawat ti sumaganad a barangay ken naggapuanna:

Nangted ti Seedlings
Recipients/Brgys.
No. of Seedlings
Status of Planting
Tanim Kalikasan
Brgys. Pug-os, Nagsantaan ken Cael-layan
15,000
 Ongoing
LGU-Cabugao
Brgys. Sagayaden, Lipit, Aragan, ken Maradodon
1,000
 Ongoing

Kaaduan ti klasena dagiti maimula a seedlings ket Mahogany ken Fruit Trees, segun ken ni MENRO-Designate Edgar S. Balangatan, LGU-Cabugao.

Innayon ti MENRO a namulaan pay ti 100 a seedlings ti igid ti karayan nga agpalaud ken planoda a nayonan pay dagiti naimula.

“Dagiti kabarbaro a recipients nga ikkan  ti Tanim Kalikasan ket dumalanda iti briefing sakbay nga agmulada. Dagiti umawat ti seedlings nga ited  ti LGU ket naadalandan iti umisu a wagas ti panagmula,” imbatad pay ni MENRO Balangatan.

Ti Re-Greening Program ket kakibin  ti Reforestation Activities nga isaysayangkat ken itantandudo ti LGU Cabugao nga idauluan ni Mayor Ediboy tapno tumulongda iti pakaseknan ti “Conservation ken  Preservation”   ti Rekursos Naturales ti Munisipalidad ti Cabugao. # (Web In-Action)

No comments:

Post a Comment