Sunday, June 17, 2012

MANAYNAYONAN TI TRANSAKSION ITI DAYO

Cabugao, Ilocos Sur – Ar-aramiden  dagiti Livestock Traders ti kabaelanda a maipromot ti Dayo Cabugao babaen ti panagawisda ti umay maki-dayo iti pappapananda a kabangibang a Dayo ken panagbirokda ti napintas ti klasena nga ayup a magatang a pagkakitaan met ti asosasion.

Idi Hunio 16, 2012, kinauman ti Web In-Action dagiti opisiales ti Dayo.  Naammuan nga  210 a transaksion ti naaramiden   iti uneg ti Dayo iti agdama  ken umaboten ti P40,000 ti natgedan ti asosasion puera-naggastosan, segun ken ni Mr. Rudy Quileza, Treasurer ti Cabugao Livestock Traders Association.

Mangnamnama ti asosasion babaen ti panangiwardas ni Mr. Mariano Raciles, Presidente, ken pannarabay da Mr. Dante Naval,  Municipal Meat Inspector ken iti Gobierno Munisipal nga idauluan ni Mayor Edgardo S. Cobangbang, Jr. nga  agprogprogreso ti Dayo a pakairanudan ti sapasap nga umili. # (Web In-Action)

No comments:

Post a Comment