Cabugao, Ilocos Sur – Imbatad ni Mr. Vic Ascano, Training Officer ti DAR-Provincial Office ti “Training on Paper Waste Material Recycling” a naanus ken nalakada a makasurot dagiti sansanayenda a kababai-an ita a maikadua nga aldaw, Hunio 19, 2012 a panagsanayda iti pasdek ti Barangay Hall, Barangay Aragan, Cabugao, Ilocos Sur.
Makumikom met dagiti Personnel ti DAR-Provincial Office ken MARO-Cabugao a tumulong kadagiti ag-training tapno nadarasda a maipakat ti maiyadal kadakuada babaen ti step-by-step a pannakaiparang.
“Pagyamananmi daytoy a pannakaited ti gundaway dagiti babbai ditoy barangaymi nga agsanay iti livelihood program ti DAR. Mamatiak a nalakada a masurotan ken napintas ti magapuananda,” kinuna ni Barangay Captain Modesto “Moding” Ronque a dumawdaw-as iti training venue.
Innayon ni Trainor Ascano a makalpasda ti maysa wenno dua nga item agingga iti malem ita a maikadua nga aldaw. # (Web In-Action)
No comments:
Post a Comment