Cabugao, Ilocos Sur – Dua a kangrunaan nga institusion ti kangrunaan a mangirusat ti sinaguday ti RA 9003 (Ecological Solid Waste Management Act of 2000) babaen ti rekomendasion ni MENRO-Designate Edgar S. Balangatan iti Opisina ni Mayor Edgardo “Ediboy” S. Cobangbang, Jr. ti Munisipalidad ti Cabugao, Ilocos Sur.
Babaen ti nagkadua a direktiba ni Mayor Ediboy, naipalaon ti pammilinna kadagiti Kapitanes ti 33 a barangay ti pannakabukel ti Environmental Management Committee ti Barangay-da, pannakaaramid ti Barangay Nursery, Barangay Intensive Garden (Gulayan), Barangay Material Recovery Facility (MRF), Barangay Herbary ken Compost Pit ti tunggal pagtaengan.
Kanaig daytoy, naipaay met iti maipada a pakaammo iti panagaramid ti tunggal pageskuelaan ti ili iti School Nursery, School Intensive Garden (Gulayan), Compost Pit, School Material Recovery Facility (MRF) ken School Herbary.
Daytoy a pammilin ti Ama ti Ili ket paset ti programa ti Gobierno Munisipal a pannakaitandudo ti naannayas nga implementasion ti Ecological Solid Waste Management, ken kanaigna a Clean and Green ti Munisipalidad nga agresulta met laeng iti pagimbagan ti kaaduan nga umili, segun pay ken ni MENRO Balangatan. # (Web In-Action)
No comments:
Post a Comment