Cabugao, Ilocos Sur – Naangay ti aldaw ti Cabugao Dayo idi Oktubre 6, 2012 (Sabado) iti lote ti Munisipio iti Brgy. Baclig, Cabugao, Ilocos Sur a nakaiparangan dagiti nabubun-as nga ayup (nuang ken baka) kasta met dagiti naipakilo a baboy ken malako a burias.
Imbatad ni Mr. Dante Naval, Municipal Meat Inspector, a natural a naregregta dagiti koridor nga aggunay no nabun-as dagiti mai-dayo nga ayup ta nalaklaka a maallukoy ti rikna ti aggatang nangruna kadagiti para-parti kadagiti nasao nga animales.
Kas iti sigud, mayat latta ti pannakidinnanggay ti Livestock Traders nga idauluan ni Mr. Mariano Raciles agraman dagiti pannakabagi ti LGU a makipagtarawidwid no kastoy a panagda-Dayo. # (Web Situational Report)
No comments:
Post a Comment