Cabugao, Ilocos Sur – Naangay ti Consultative Meeting ti nagbaetan ti LGU Cabugao nga idauluan ni Mayor Edgardo S. Cobangbang, Jr. ken dagiti pannakabagi ti Department of Environment and Natural Resources (DENR) iti Oktubre 18, 2012 iti SB-ABC Hall a nagpartisiparan dagiti Technical Working Group (TWG) a buklen dagiti dadaulo ti opisina ti LGU kas iti MPDC, Treasury, DA, Budget, Sangguniang Bayan ken iti Opisina ti Mayor.
Imbatad ni MENRO Edgar S. Balangatan nga agserbi daytoy a plano a pannaka-biblia ti Munisipio iti pannakatagiben ti aglawlaw (danum ken takdang) ket manamnama a maipakat inton Tawen 2013 iti Munisipalidad.
Nataming ti pannakapundo dagiti programa a nailanad iti ICM Plan ken maituding dagiti maseknan a mangakem kadagitoy.
Nakitaripnong met ni Mayor Ediboy iti nadakamat a panagtitipon.
Nagatendar dagiti pannakabagi ti DENR-CENRO nga isuda Forester Rodolfo Costales, Paulino Tabut ken Antonio Ridulme. Kasta met da Vice Mayor Danny Gazmen ken dagiti SB Members: Dr. Jemaima Tan-Yee, Benedict Savellano, Dr. Carlito S. Pano, Vicky Serna, Owen Sandi, ken SB Secretary Maxfel Suboc.
Nakipaset pay iti nasao a miting da Municipal Treasurer Lourdes Azcueta, Municipal Accountant Annalyn Siababa, MPDC Assistant Hermes Asit, PNP Officers William Nerona ken Rodel Ularte kasta met da Fishery Coordinators Milagros Paz ken Robert Savella. Timmulong met a nakipagtaming da MENRO Balangatan ken Miss Melanie Saquiton, MENRO Secretary. # (Web In-Action)
No comments:
Post a Comment