Cabugao, Ilocos Sur – Nagselebrar ti Cabugao South Central School nga idauluan ni Mrs. Melvi Siababa-Sajonia, Principal III iti World Teachers Day iti Oktubre 5, 2012 iti CSCS Open Auditorium kas pammigbig ti naindaklan a propesion ken pagtaktakderan dagiti mangisursuro a mangidurdur-as ti sibilisado a kagimongan. Daytoy a Teachers Day ket napagkaykaysaan a maselselebraran iti intero a Pilipinas iti tinawen.
Partikular dagiti mangisursuro ti Cabugao South Central School a nagselebrar babaen ti panangorganisar ti Pupils Student Government ti programa kas Tribute-da kadagiti Teachers.
Kalpasan nga ipakaammo ni Mrs. Sajonia ti panagrugi ti selebrasion, naipabuya dagiti intermission numbers dagiti nadumaduma a Grade Levels agraman ti Kindergarten a kas pangparagsakda iti nasao a programa.
Naisaganad ti Parlor Games dagiti ubbing ken mangisursuro a nangdagnay ti ray-aw ken ragsak dagiti nagbuya nga ubbing, nagannak, ken sangaili.
Naikanta babaen ti grupo dagiti ubbing ti bugas ti Tema ti selebrasion: “My Teacher, My Hero” kasta met a nai-aksion babaen ti Acrostic dagiti ubbing ti letra-por-letra a kaipapanan ti TEACHER. # (Web In-Action)
No comments:
Post a Comment