Cabugao, Ilocos Sur – Iti Staff Meeting ti DA-LGU Cabugao nga idauluan ni Municipal Agriculturist Zenaida S. Andrada iti bigat ti Lunes, nabuangay ken napagnanamingan met laengen dagiti barangay a destino ti tunggal Personnel/Technologist ti nasao a Departamento ti LGU-Cabugao ket naipaskin iti Bulletin Corner tapno makita dagiti mannalon a sumarungkar iti Opisina.
Iti biang dagiti asosasion dagiti mannalon ken mangngalap, maibasar iti pannaki-amad ti Web In-Action, magustuanda unay daytoy a parupa ti serbisio nga igannuat ti nasao nga opisina tapno maipamaysada met a maammuan dagiti pakaseknanda a mannalon a saanda a maitugot iti papanda iti opisinada gapu ta kasapulan met a maaktualanda koma ti kasasaad dayta a pakaseknan iti barangayda.
Imbatad ti dadduma a Presidente ti asosasion a ditoy ita a mariknada ti kinaepektibo ti maysa a Teknisian a mangipatungpal ti programa iti Agrikultura agsipud ta kadakuada ket ti maysa nga “Extensionist” ket kasapulan nga inaldaw koma a nakaintek iti lugar dagiti mannalon a makasapul iti pannarabayda.
Innayon pay dagiti mannalon ken mangngalap a puminpintas ita ti panagbuelo dagiti nairubuat a programa ken proyekto ti DA-LGU a mangitag-ay ti kasasaad dagiti klienteda a mannalon ken mangngalap a mangiyagpang met ti serbisio a kalikaguman a tun-oyen ti Gobierno Munisipal nga idauluan ni Mayor Edgardo “Ediboy” S. Cobangbang, Jr.
Daytoy nga aksion ken inisiatiba dagiti DA-LGU Personnel ket maysa a wagas ti panangidanonda ti napateg a serbisio para iti sektor dagiti mannalon. # (Web Situational Report)
No comments:
Post a Comment