Cabugao, Ilocos Sur – Iti pannakiuman ti Web In-Action idi Hunio 10, 2013, imbatad dagiti RHU Personnel iti Admission Section iti napintas met a bilang ti maladaga a naipabakuna iti daytoy umuna nga aldaw ti lawas.
Innayon dagiti RHU Personnel iti Immunization Section a pagdidinnamagan daytoy a pannakatratar dagiti maladaga agingga iti agtawen ti maysa (1) babaen iti pannakabakunada iti DPT Vaccine (Anti-Diptheria, Polio ken Tetanus) kasta pay iti Anti-Measles. Imbatad met dagiti inna a nasayud ti panagtan-ay dagiti maladaga no maipaayan iti kompleto a pannakataripato dagiti maladaga a pangsalaknib tapno maikkan ti saluad (immunity) ti naturalesa ti ubing a mangdaer kadagiti sintoma ti sakit a kumpet/tumaud iti bagi ken iti aglawlaw.
Kanaig daytoy, agtultuloy latta met ti kaadu ti agpa-check up iti pakaseknan-Medikal nga agtutubo, ubbing, nataengan ken agkabannuag ken mataming iti mainugot a wagas dagiti addaan ti nadagsen a sakit a kas iti sintomas ti Tuberculosis ken Leprosy a no matakuatan a positiboda ket maagasanda iti innem a bulan.
Ti agtultuloy a panangipaay ti Gobierno Munisipal nga idauluan ni Mayor Edgardo “Ediboy” S. Cobangbang, Jr. iti importansia iti pannakataming/pannakataripato ti salun-at dagiti umili iti nagkaadu a programa nga ikammayet ti Department of Health (DOH) kadagiti barangay ken LGU ket prayoridad met ita a taliawen dagiti mabenepisiaran nga umili ti pateg ti napintas a salun-at a kas kalasagda iti panangparang-ay ti biag ken pamiliada ken iti napintas a pannakakipagilida. # (Web Situational Report)
No comments:
Post a Comment