Cabugao, Ilocos Sur – Nakikoordinar dagiti pannakabagi ti Tanim Kalikasan nga idauluan ni Mr. Gil de la Cruz, Field Area Coordinator iti Opisina ti Local Chief Executive ti LGU-Cabugao ket imbagian ni Vice Mayor Danny Q. Gazmen ni Mayor Edgardo “Ediboy” S. Cobangbang, Jr. ken kasta met a nakitaripnong da Municipal Agriculturist Zenaida S. Andrada kasta met ni MENRO Edgar S. Balangatan a nagsasarita iti maipapan iti pannakasurnad ti proyekto ti Tanim Kalikasan, maysa nga NGO a nasaknap ti programana iti panagitedan ti seedlings ken kanayonna ti monitoring iti panagmula ti kayo iti intero a Rehion Uno ken nakabase ti Opisinana idiay San Fernando City, La Union.
Segun iti record ti MENRO, umabot ti 86,000 a seedlings ti dagup ti naimula iti intero a Munisipalidad a naited ti NGO iti kallabes a tawen ket umabot met ti 80 % ti Survivability Rate ti nagbiag a takuat ti nagtipon ken naiwayat nga Evaluation ti MENRO ken ti Tanim Kalikasan kadagiti barangay a nakaimulaan dagiti seedlings.
Dadduma pay a natratar ken napagnanamingan:
1.Maikonsentrar a maimula ti 5,ooo nga ited ti Tanim Kalikasan a seedlings idiay Magarang Springs Watershed, Brgy. Cacadiran, Cabugao, Ilocos Sur ita a panagmumula.
2.P3.00 ti tangdan ti maysa a maimula a seedling ti White Lauan.
3.Sabali laeng ti gunggona iti pannakataripato dagiti maimula a kayo.
4.Maannurot met laeng ti dati a katulagan ti NGO ken ti LGU iti wagas ti panagmula ken pannakitinnulong iti Monitoring, segun ken ni Mr. De la Cruz.
Dagiti Tree Planting Activities nga itantandudo ti LGU-Cabugao iti tinawen ken iti agdama ket paset ti programa iti Clean and Green ti Munisipio tapno masulnitan dagiti naawan a pinuon ken mapaberde ti aglawlaw a mangsuporta iti Re-Greening Program ti Gobierno Nasional. # (Web In-Action)
No comments:
Post a Comment