Cabugao, Ilocos Sur – Naangay ti Regular Monthly Meeting ti Association of Barangay Captain and Councils (ABC) nga idauluan ni Brgy. Captain Thaddeus U. Soller idi Hunio 5, 2013 iti SB-ABC Hall, Cabugao, Ilocos Sur a nagatendaran dagiti Kapitanes ti barangay ti ili ti Cabugao, pannakabagi ti dadduma nga ahensia ken opisina ti LGU-Cabugao.
Dagiti natratar ken napagnanamingan:
1.Panangibinsa ni Mr. Amado B. Naval, pannakabagi ti Ilocos Sur Community College (ISCC) ken ti BARANG-AY Demo Farm iti pakabuklan ti programa ti pagadalan kadagiti interesado nga agtutubo a mapan agbasa ditoy nga institusion.
2.Update ti Barangay Nutrition Scholar (BNS) babaen ken ni Mrs. Joenah G. Sevilleja, AT ket ingunamgunamna ti pannakaaramid ti BNS Corner kadagiti barangay.
3.Yuumay ti pannakabagi ti Professional Regulations Commission (PRC) iti Cabugao Cultural and Sports Complex inton Hunio 15, 2013.
4.Imbatad ni MLG Officer V Connie L. Quinola iti selebrasion ti Arbor Day inton Hunio 12, 2013 (Independence Day) babaen iti tree planting. Innayonna a mabalin a mausar ti 70 a pakabuklan ti 5% Calamity Fund ti barangay iti daytoy a panggep.
5.Mai-follow up ti Provincial Aid ti barangay a maiserbi iti pannakamantener dagiti barangay roads kasta met ti claims ti benepisio dagiti natay a dadduma a barangay officials.
6.Maigunamgunam a tumulong dagiti Barangay Officials partikular dagiti Barangay Tanod (BPATS) iti implementasion ti Balik Eskwela Program ti DepED nga agpatingga iti Hunio 10, 2013
Nag-Preside ni ABC President Teddy U. Soller ken nagirekord iti Minutos ti Miting ni Brgy. Captain Valentin S. Tuyor, Jr., ABC Secretary. Nalpas ti miting iti 11:00 am. # (Web In-Action)
No comments:
Post a Comment