Tuesday, June 4, 2013

MAKAPARNUAY TI FLATBED DRYER TI PANGGEDAN

Cabugao, Ilocos Sur – Iti pannaki-uman ti Web In-Action idi Hunio 3, 2013, imbatad ni Ms. Rema Lucero, Secretary ti BACALL MPA nga umaboten ti nasurok a 60 Tonelada (60,000 Kilos a napusi a yellow corn) ti naileppasda a napamagaan a kubraenda ti P.75  kada kilo iti tinumbo  a mais (50 Kilos) a kontrataenda kadagiti Cornmillers/Producers iti kabangibang nga ili ti Ilocos Sur.

Gapu itoy, innayon ni Ms. Lucero a napateg  ti kaadda ti kastoy a ramit ket saan a nagbiddut ti DA a nangisagut daytoy kadagiti mannalon. Kasta met a makaparnuay ti regular a pagsapulan dagiti kameng ken mayat a mangged nga indibidual ket maalada ti tangdanda iti kayatda nga aldaw.

Malaksid ti panggedan dagiti miembro, addaanda pay iti “Saranay”  a katulonganda no agsakitda, mairehistro iti Philhealth a programa ti LGU  ken SSS dagiti kameng ken maaddaanda  iti dibidendo dagiti naitipon  a kuartada  iti  asosasion.

Dagitoy nga inisiatiba ti asosasion ket mangkomplementar iti  suporta  dagiti Ahensia a timmulong a kas iti LGU-Cabugao nga idauluan ni Mayor Edgardo “Ediboy” S. Cobangbang, Jr. ken ti DA-RFU 1 nga idauluan ni Dr. Valentin Perdido, Ph. D., OIC Regional Executive Director. # (Web In-Action)

No comments:

Post a Comment