Cabugao, Ilocos Sur – Narugian idi Enero 2, 2013 iti pannakaited dagiti coconut seedlings kadagiti nagkiddaw a barangay iti Munisipalidad ti Cabugao, Ilocos Sur.
Segun ken ni Mr. Robert S. Savella, Municipal Plant and Nursery Coordinator, umabot ti 4,600 a patubo a niog ti maiwaras kadagiti agkalikagum a barangay. Mismo a ti lugan ti Munisipio iti mausar iti pannakaideliber dagiti nasao a seedlings kadagiti barangay a pakaitedanna.
Innayon ni Mr. Savella a tumulong met dagiti Opisiales ti Barangay iti natalged a pakaipanan dagiti seedlings kabayatan a mataming ti pakaimulaanna iti disso ken paset ti barangay.
Dagitoy nga aksion ken inisiatiba ket gubuay ti agtultuloy a panangitandudo ti Gobierno Munisipal nga idauluan ni Mayor Edgardo “Ediboy” S. Cobangbang, Jr. a mangallawat kadagiti proyekto nga itden dagiti partner-agencies kas iti Philippine Coconut Authority (PCA) a mangnayon iti pagsayaatan dagiti umili iti Cabugao, Ilocos Sur. # (Web In-Action)
No comments:
Post a Comment