MAIN CROP TI MULA A PAGAY, UMADANI A MAAPIT

Cabugao, Ilocos Sur – Iti pannakiuman ti Web In-Action iti DA-LGU itay nabiit, imbatad ti Municipal Rice Program Coordinator nga adda 210 ektarias ti natalon iti intero a Munisipalidad iti Main Crop ( Dry Season 2013-2014). 

Innayon ni Mr. Nereo S. Daproza, Municipal Rice Program Coordinator nga adda 125 ektarias a namulaan ti Hybrid Rice; 85 ektarias iti Certified Seeds; 5 ektarias iti Good Seeds ken 7 ektarias iti Seed Production.

Insupusop pay ni Mr. Daproza a malaksid iti pagay, nagmula pay dagiti mannalon iti tabako, sandia, nateng ken mais kadagiti pagtatalonanda a narigat ti pananumanda tatta a panagmumula  tapno naan-anay a mamulaan ti dati a Planted Area iti Wet Season kasta met iti Dry Season.

Ti napintas a panawen  a nangpabor iti  pannakaimula ti pagay ket agresulta iti makapnek nga apit nupay bimmassit ti namulaan, segun pay ken ni Mr. Daproza.

Dagitoy nga inisiatiba ket resulta iti agtultuloy a napintas a programa ti Gobierno Munisipal nga idauluan ni Mayor Edgardo “Ediboy” S. Cobangbang, Jr. iti benneg ti  Agrikultura  a nangruna iti pagay  a kangrunaan a  pagtaraon dagiti umili. # (Web In-Action)