Cabugao, Ilocos Sur – Naituding manen ti panagseserrek ti klase (Elementaria ken High School) iti Enero 6 (Lunes) ita a Tawen 2014 kalpasan ti napaut a Holiday ti Paskua 2013 ken Baro a Tawen 2014.
Maigapu itoy, aktibo dagiti ubbing ken estudiante a mapan iti pagadalanda tapno itultuloyda a sisipen ti adal a maited kadakuada agingga a mairingpasda dagiti asignaturada agingga iti panagbabakasion ti klase iti Tawen 2014.
Kabayatanna, makumikom met dagiti nagannak ken mangisursuro nga aramiden dagiti pagrebbenganda ken obligasionda iti pagadalan/komunidad tapno matutopanda dagiti kasapulan dagiti annakda wenno ay-aywananda nga agad-adal.
Dagitoy a buya/gay-at iti panagrubuat ti Tawen 2014 ket paset iti pannakamuli ti naganus nga isipda tapno mapagbalinda a “Nationbuilder” ken naresponsable a makipagili. # (Web Situational Report)
No comments:
Post a Comment