Friday, January 3, 2014

SELF-FINANCE GROWER TI MANGGA, AGUNNOYDA

Cabugao, Ilocos Sur – Iti pannakiuman ti Web In-Action kadagiti Self-Financed ti panagproduksion ti mangga itay nabiit, naipeksada a kalikagumda met ti makimiembro kadagiti barangay-based nga asosasion ti agprodprodukto ti manga.

Segun ken ni Mr. Jose Paligutan, agnaed iti Barangay Baclig, Cabugao, Ilocos Sur, adu kadakuada nga agis-isprey ti mangga ti saan pay a naikameng kadagiti asosasion maigapu iti saanda pay a pannakaorganisar.

Innayon ni Mr, Paligutan a numan pay self-financed ti kapitalda ita iti panagmanggada ket manamnama a masubbotda ti kapitalda babaen iti reggetda ken pabor ti panawen iti produksion ti mangga.

Insupusopna pay a kiddawenda a mairamanda koma  iti programa iti panangtulong ken panangidur-as ti kasasaadda a dadduma nga agmangmangga babaen iti pannakikammayetda kadagiti kakaduada a Mango Growers. # (Web In-Action)

No comments:

Post a Comment