Cabugao, Ilocos Sur – Nag-Courtesy ti grupo ni Jerome Sudayon Gazmen, 4rth Year High School, Cabugao National High School, Brgy. Turod, Cabugao, Ilocos Sur ken ni Mayor Edgardo “Ediboy” S. Cobangbang, Jr. iti Opisina ti Town Executive itay nabiit. Binayabay ni Mrs. Felipa B. Asuncion, Principal ti nasao a pagadalan ken agraman dagiti Coaches ni Jerome maigapu iti panangyalatna iti Maikadua a Puesto iti Photo-Journalism Award (English Category) iti naangay a pakontes ti Regional Schools Press Conference 2013 a naangay idi Disiembre 12-15, 2013 sadiay Daniel Maramba National High School, Sta. Barbara, Pangasinan.
Sakbayna, inyalat ni Jerome ti First Place iti Division Schools Press Conference 2013 a naangay idiay San Esteban, Ilocos Sur idi Disiembre 1, 2 ken 3, 2013 a kaduana da Joanna Kaye Rotor, 4rth Year High School, 6th Place, Newswriting, English Category; Kristine Joy Sudayon, 4rth Year HS, Photo-Journalism (Pilipino Category) ken Earl Genesis Darog, 6th Place, Pagsulat ng Balita (Pilipino).
Nagpaay a Coaches ni Jerome da Mr. Fahd B. Agbulos, baro nga School Paper Adviser ti Cabugao NHS ken Co-Adviser-na ni Mr. Dharen Jake R. Garcia, mangisursuro met laeng iti nasao a pagadalan.
Ni Jerome ket anak ni Mrs. Susana Gazmen, Public School Teacher ti Cabugao NHS.
Impeksa ni Mrs. Felipa B. Asuncion, Principal, Cabugao NHS ken agraman iti intero a pagadalanda iti suporta ti LGU Cabugao nga idauluan ni Mayor Ediboy iti papanda a pannakisalip iti Regional Level. # (Web In-Action)
No comments:
Post a Comment