Cabugao, Ilocos Sur – Maibilang a narambak, natalna ken nasayud ita ti pannakaselebrar ti New Year 2014 ditoy ili ti Cabugao, Ilocos Sur maigapu iti “Zero incidence” ti napaputokan ti fireworks kas impakaammo iti Cabugao Municipal Police Station nga idauluan ni Chief of Police William N. Nerona.Iti espiritual a benneg, narambakan ti RAMBAK BARO TAWEN ti Cabugao Catholic Church ken napintas met ti panagselebrar dagiti dadduma a Sekta ti Pammati a nagselebrar ti Paskua 2013 ken New Year 2014.
Kangrunaan a nangidaulo ti LGU-Cabugao iti Midnight Mass idi Disiembre 24, 2013 ken Disiembre 31, 2013 a kaduana ti Pastoral Council. Idi Enero 1, 2014, indauluan met ti St. Joseph-Marian Movements ken ti Knights of Columbus kadagiti Misa a naaramid ti bigat.
Naruay latta met ti nagselebrar iti Baro a Tawen babaen iti panagtitipon dagiti agkakabagian, aggagayyem ken asosasion. Adu met ti napan nagpiknik kadagiti Resorts ken Beaches. Adu met ti nagselebrar iti sidong ti patpatgenda ti biag. # (Web Situational Report)
No comments:
Post a Comment