Cabugao, Ilocos Sur – Naaramid ti panagdalus iti igid ti baybay iti innem a Coastal Barangay ti ili a Cabugao idi Oktubre 28, 2015 kas iti Brgy. Dardarat, Salomague, Sabang, Namruangan, Daclapan, ken ti Salapasap.
Imbatad ni MENRO Edgar S. Balangatan, AT a nasapa a napan nagdalus dagiti lumugar nga indauluan dagiti Opisiales ti Barangay-da ken dagiti kameng ti Farmers/Fisheries Associations-da.
Kadua ni MENRO Balangatan dagiti Coastal Resources Management Staff iti Environment and Natural Resources Management Office (ENRMO), Vigan City a nagmonitor kadagiti nadakamat a barangay.
Iti Barangay Dardarat, grass cutter ti kangrunaan a mausar kadagiti nagtubo a ruot iti arubayan ti Dardarat Fish Sanctuary and Cove agsipud ta adda pinusganda a bumarangay nga agdaldalus/mangmanmantener iti inaldaw iti aglawlaw ti aplaya ken dagiti pasilidades ti barangay nga asideg daytoy.
Daytoy nga aktibidad ket regular a pagbinbinnuligan nga ipatungpal ti Environment and Natural Resources Management Office, Provincial Office ken ti Gobierno Lokal a makasakup kadagiti barangay a masarakan iti igid ti baybay.
Paset daytoy ti agtultuloy a programa ti Gobierno Munisipal nga idauluan ni Mayor Edgardo “Ediboy” S. Cobangbang, Jr. a pannakamantener iti nadalus a kabaybayan babaen iti agtultuloy a panagdalus dagiti bumarangay ken asosasion iti masakupanda tapno matagiben dagiti rekursos naturales dagitoy a barangay. # (Web In-Action)
No comments:
Post a Comment