Cabugao, Ilocos Sur – Naangay ti miting dagiti aglaklako ti Frozen Foods kas iti Hotdog, Ham ken Longganisa iti NISTC Public Market itay nabiit babaen iti panangmiting kadakuada ni Dr. Melvin G. Castro, DVM, Municipal Livestock Inspector tapno ma-update ti kasasaad dagiti frozen foods a mailaklako iti Tiendaan ti ili.
Iti pannakiuman ti Web In-Action, imbatad ni Dr. Castro nga uso ita ti panaggatang ti frozen foods nangruna kadagiti pangbiitan a pangalaan ti pagtaraon no adda mapasamak nga okasion iti pamilia kas iti pakasar, pabuniag, pakaskasangay ken kapadana a pagkasapulan iti nadaras a pangalaan/pannakaisagana ti pagtaraon.
Iti nasao a panagtitipon, trinatar ni Dr. Castro dagiti dua a kangrunaan a linteg a mangtimon kadagiti aglaklako ti makan a kas iti [REPUBLIC ACT NO. 10611] AN ACT TO STRENGTHEN THE FOOD SAFETY REGULATORY SYSTEM IN THE COUNTRY TO PROTECT CONSUMER HEALTH AND FACILITATE MARKET ACCESS OF LOCAL FOODS AND FOOD PRODUCTS, AND FOR OTHER PURPOSES ken iti [Republic Act No. 9296] AN ACT STRENGTHENING THE MEAT INSPECTION SYSTEM IN THE COUNTRY, ORDAINING FOR THIS PURPOSE A “MEAT INSPECTION CODE OF THE PHILIPPINES” AND FOR OTHER PURPOSES.
Innayon ti Beterinario a pagrebbengan ti Opisinada a kitaen ken iwanwan dagiti aglaklako a kasapulan laeng a mairuar dagiti ilakoda manipud iti Cold Storageda-no nagatangdan ti makan. Napagnanaminganda pay a saanen a mabalin a nakaruar a nakadispley dagiti lakoda kadagiti stalls tapno maliklikan ti “Food Poisoning’ a kas maysa kadagiti rason a tumaud ti insidente ti pannakasabidong.
Dagitoy nga aksion ken inisiatiba ket gubuay ti nairut a koordinasion ti LGU-Cabugao kadagiti aglaklako iti tiendaan ken Groseria tapno maprotektaran ti salun-at ti sapasap. # (Web In-Action)
No comments:
Post a Comment