Cabugao, Ilocos Sur – Madama a maar-aramid ti Drainage Canal iti masakupan ti Brgy. Daclapan, Cabugao, Ilocos Sur.
Daytoy a proyekto ket inlungalong ti Gobierno Munisipal nga idauluan ni Mayor Edgardo “Ediboy” S. Cobangbang, Jr. ken napunduan babaen iti Bottom-up Budgetting (BUB) iti DILG-NPC iti Tawen 2015.
Innayon ni Mr. Edgar S. Balangatan, BUB Focal Person a manam-ayan ita dagiti lumugar ta maalay-ayan ti pagayusan no agpigsa ti danum gapu iti pannakaaramid ti drainage canal iti igid ti kalsada.
Innayonna pay a pinagyamanan dagiti lumugar iti nasao a barangay iti Gobierno Munisipal nga idauluan ni Mayor Ediboy ta masolbar ti pakaseknanda a bumarangay ken sumayaat pay met ti panagdaliasat dagiti dadduma nga umili kadagiti pagbunnongan ti danum no agpigsa ti tudo. Ti Barangay Daclapan ket idauluan ni Brgy. Captain Charlie Somejo. # (Web In-Action)
No comments:
Post a Comment