Cabugao, Ilocos Sur - Naipatungpal ti Ryan Hybrid Rice Assistance Program a programa ti Kapitolio Probinsial babaen iti panangipatungpal ti LGU-Cabugao kadagiti mannalon ti ili iti Wet Season 2015 (Hunio-Nobiembre).
Segun ken ni Acting Municipal Agriculturist Robert S. Savella ket adda 10,640 Packs @ 1 kilo (Hybrid) a bilang ti naiwaras ti DA-LGU Cabugao kadagiti nagkasapulan ti bukel a mannalon a naibunubonda iti panagtalon iti umabot ti 665 ektaria a nayalokar a matalon.
Innayon ni Mr. Savella a ti bukel nga intuyang ti programa ket iti HR 182 a naited iti tunggal ID Card Holder Farmer nga umabot ti 4,400 ti bilangda ditoy nga ili.
Kabayatan iti pannakapatanor ti Ryan Rice agingga iti dandanin a maapit ket maysa ni Mr. Nestor B. Baclig ti Brgy. Cuancabal, Cabugao, Ilocos Sur kadagiti napagasatan a nagraep itoy a klase ti pagay ket saan a napaay ta napintek ti dawa ti apitenna a naimulana kadaytoy a panagaapit, segun ken ni Mr. Edgar Balangatan, AT, ti DA-LGU Cabugao.
Daytoy a programa ket paset ti panagkammayet ti Gobierno Munisipal nga idauluan ni Mayor Edgardo “Ediboy” S. Cobangbang, Jr. ken iti Gobierno Probinsial nga idauluan ni Governor Ryan Luis V. Singson tapno mainayon a tulong kadagiti mannalon iti sektor-da iti Agrikultura babaen iti pannakapadur-as ti apitenda. # (Web In-Action)
No comments:
Post a Comment