Wednesday, October 28, 2015

PARTE TI FLOOD CONTROL TI BRGY. QUEZON, NAILEPPAS

Cabugao, Iloco Sur – Nairingpasen ti parte ti Flood Control System  ti mabatogan ti Brgy. Quezon iti Cabugao River  babaen iti panangilungalong ti Gobierno Lokal ti ili a Cabugao, Ilocos Sur ken nakausaran  ti pundo ti RA 7171 iti Munisipio, segun ken ni  Municipal Engineer Crescencio Marcos C. Formoso.

Naaramid  ti proyekto babaen iti Stone Masonry tapno natibker no tuparen ti ayus ket agbalin a  nasiken a sarapa ti umay a layus. 

Ti Flood Control System   ket naipamaysa a naaramid babaen iti panangilungalong  ti LGU-Cabugao nga idauluan ni  Mayor Edgardo “Ediboy” S. Cobangbang, Jr. tapno maprotektaran ken maliklikan ti panagreggaay iti igid ti karayan a matupar no dumakkel ti ayus. # (Web In-Action)

No comments:

Post a Comment