UMUNA NGA ALDAW TI DISTRIBUTION OF OIL SUBSIDY, NABALLIGI

CABUGAO ILOCOS SUR-June 07, 2012-Naimatangan ni Mayor Ediboy Cobangbang, Jr. ti naurnos ken natalinaay a programa a naipatungpal iti pannakaiwaras ti "Oil Subsidy" a naggapu iti pundo ti RA7171 para kadagiti mannalon ken dagiti motorized bangka owners.

Naangay daytoy iti sango ti Municipal Hall ti Cabugao babaen iti panagpartisipar iti pannakabagi ti DA-LGU nga idauluan ni Mr. Robert Savella-OIC ken iti pannakabagi ti Treasurer's Office. Iti bigat, umuna nga naiwarasan iti gatad (175.00 pesos) iti tunggal indibidual a registered farmers ti Brgy. Maradodon, Brgy. Catucdaan ken Brgy. Sisim. Ken iti malem Brgy.Aragan, Brgy. Quezon ken Brgy. Turod Patac.

Maragsakan la unay dagiti maseknan gapu ta adda manen kastoy a gannuat tapno matulonganda babaen kadaytoy a programa. Segun kadagiti maseknan a mannalon, agyaman da la unay ken ni Mayor Ediboy gapu ta adda manen kastoy a gannuat para iti pagsayaatan ti umili ti ili a Cabugao.(Web In Action)

MAYOR EDIBOY NAKITARIPNONG KADAGITI MANNALON

Cabugao Ilocos Sur - Nagtitipon dagiti Farmer's President ken dagiti maseknan a mannalon nga idauluan ni Mayor Ediboy idi Hunyo 5, 2012 ti Cabugao Conference Hall.

Naaramid daytoy a gakat tapno mapagsasaritaan ti programa a “distribution of Oil Subsidy” a naggapu ti RA 7171.

Segun ken ni Mrs. Ester Aguimbag, daytoy a programa ket para kadagiti Registered Farmers ken kadagiti Motorized Owners/Bangka Owners. Maipatungpal daytoy babaen iti pannakaiwaras ti Oil Subsidy tapno matulongan dagiti umili ti Cabugao para ti pagsayaatan. (Web in Action)

Maaramid ti umuna a panagiwaras iti Hunyo 7, 2012 ken dagiti sumaganad:

June 7, 2012
AM	PM
Mardodon	Aragan
Catucdaan	Quezon
Sisim	Turod Patac
June 8, 2012
AM	PM
Caellyan	Arnap
Alinaay	Cacadiran
Carusipan	Nagsincaoan
June 11, 2012
AM	PM
Cuantacla	Sagayaden
Lipit	Pila
Cuancabal	Dardarat
June 13, 2012
AM	PM
Salomague	Daclapan
Namruangan	Salapasap
Sabang	Bungro
June 14, 2012
AM	PM
Margay	Nagsantaan
Pug-os	Bato
Reppaac	Turod
June 15, 2012
AM
Baclig
Rizal
Bonifacio

DUR-AS-SERBISIO TI NUTRISION, ITULTULOY DAGITI BNS

Cabugao, Ilocos Sur- Ikagumaan dagiti kameng ti Barangay Nutririon Scholars  nga ileppas  dagiti  papeles  ken ma-fill up-pan a pormas  a pakabuklan ti  reportda a maisubmiter iti National Nutrition Council iti salinong ti DSWD.  Ti agtultuloy a napintas a  serbisio iti  Municipal Nutrition Program ti Munisipalidad ti Cabugao ket maipatpatungpal iti    babaen ti panangidaulo ni Mayor Edgardo S. Cobangbang, Jr.,  Chairman, Municipal Nutrition Council.

Kanaig daytoy, naangay ti workshop dagiti BNS manipud iti 33 a barangays babaen ti panangiwardas ni Mrs. Joenah G. Sevilleja, Municipal Nutrition Action Officer (MNAO)  iti panagtrabahoda  a sangsangkamaysa  iti Municipal Conference Hall idi Hunio 1, 2012.

Iti agdama, naballigi ti Supplemental Feeding Program a nayusuat kadagiti ubbing  kadagiti Day Care Centers  ken 4 P’s Beneficiaries ti Recipient  Coastal Barangays  a saklawen ti MSWDO-Cabugao nga idauluan ni MSWD Officer Lydia S. Gazmen. # (Web In-Action)

NAGMITING TI NIA FARMERS ITI COMMUNAL

Cabugao, Ilocos Sur – Nagmiting ti Hunta Direktiba  nga idauluan ni Brgy. Captain Inocencio S. Sadac iti  Nagbayruangan Communal Irrigation System, asosasion ti  mannalon  manipud iti nagkakammayet a Barangay ti Namruangan, Baclig, Daclapan ken Turod a  masakupan ti National Irrigation Administration  (NIA)-Communal Irrigation System (CIS) iti Cabugao, Ilocos Sur idi Hunio 3, 2012 iti Barangay Multipurpose Hall, Barangay Turod, Cabugao, Ilocos Sur.

Kangrunaan a trinatarda ti panagkolektada iti Amortization a P1,300 a pagbayad ti mannalon iti kada ektaria iti pagpadanuman. Nag-Preside ni Brgy. Captain Sadac ket bininsana dagiti aktibidades a  yusuatda sakbay a mairugi ti panagtalon iti Wet Season Crop 2012 (Hunio-Nobiembre). Dadduma a pakabuklan  ti agenda ket iti panagdalus ti sibubukel a  gimong  iti kanal ken aripit  inton Hunio 8, 2012  a pangisagana ti pannakaiserrek ti danum iti Intake ti Dam iti umay a panagtalon.

Iti pannakaiwayat ti panagsingir kadagiti di pay nakabayad a mannalon iti pagabangda, mapagmitingan ti dua a gimong ti kanal: Nagbayruangan ken Simabusa inton Hunio 10, 2012 idiay Intake Site tapno pagnanaminganda ti pannakadalus ken pannakaisimpa ti pannakapastrek ti danum iti Main Canal  kadagiti conveyance canal  nga usarenda nga  agtalon.

Imbatad ni Kapitan Sadac a kalpasan ti miting, maammuan ken  mapagtutulagan ti agsumbangir a gimong ti kanal pakaseknan dagiti maiyuman a mapatarimaan tapno sangsangkamaysada  a mangidatag iti   Opisina ti Provincial Irrigation Officer  idiay NIA-Sta. Maria, Ilocos Sur tapno kiddawenda ti pannakatrabaho dagiti saan a kabaelan ti gimong nga obraen.

Ti Nagbayruangan CIS ket buklen ti 170 a kameng ti mannalon  ken 120 ektarias a mataltalon iti Main Crop a  masakupan ti uppat a barangay ti Cabugao. # (Web In-Action)

SAANEN A PAATIW TI DALAN TI BRGY. DACLAPAN

Cabugao, Ilocos Sur – Maibilang  a “busy street”  ti kalsada a nangbeltak ti Barangay Daclapan gapu ti  inaldaw nga agdaliasat ken   masakbayanna ti dumurdur-as  ken araken ti turista a kaarrubana a  Barangay ti Sabang.

Imbatad ni Brgy. Captain Quirino “Johnny”  Manuel nga adu  ti  igannuatda  a proyekto iti panagtakemna ket maysa  ti manamnama a  pannakasemento ti kalsada ti Sitio Labut, Brgy. Daclapan babaen ti  tulong ti Gobierno Munisipal nga idauluan  ni Mayor Edgardo “Ediboy” S. Cobangbang, Jr. 

Iti agdama, napintasen  ti dalanda iti barangay proper  a pagdaliasatan ti sapasap  ta kaaduanna a  napagkamangen  ti nasemento a kalsada.
Innayon ni Brgy. Captain Johnny Manuel nga agdama ita a patpatarimaanda  ti pakabuklan ti Barangay Hall-da. # (Web In-Action)

NAPINTEK A PANAGPATAN-AY TI PAGAY, NAIBINGLAY

Cabugao, Ilocos Sur – Maysa a nasamay nga addang ti DA-LGU Cabugao  ti panangtakuatna  ti dadduma  a wagas A pakatulongan ti mannalon   iti pannakaingato ti apitda ken  iti panangadaptar kadagiti teknikal a tulong dagiti pribado a kompania kas iti Syngenta Philippines, Inc. a makigamulo iti produksion ti pagay ditoy a deppaar.

Umabot ti 100 a mannalon a naggapu iti 33 a barangays ti nagatendar ita nga umuna nga aldaw ti  Hunio  2012 iti Cabugao Cultural and Sports Complex, Brgy. Rizal, Cabugao, Ilocos Sur tapno sisipenda  ti adal-teknolohia nga imburay dagiti Teknisian ti nasao a kompania.

“Dagitoy a paseminar ket adda kabuyogna a pannakaipromot ti produktoda ngem mabawi ti pada a mannalon no surotenna  ta agdoble met ti apitenna,” imbatad ni Mr. Fermin Sesuca, dati a Kapitan ken Presidente iti agdama iti Dardarat Farmer’s Association.

Nagtinnulong met da Municipal Rice Program Coordinator Nereo S. Daproza ken Federated Farmers President Elmer G. Bromeo  a nangibagnos kadagiti mannalon a nakiinnadal kadagiti pannakabagi ti Syngenta.

Dinayaw ti pangulo ti grupo  ti Syngenta,   Mr. Christopher Ralleca, Demand Creation Leader,  ti interes nga impakita dagiti nagatendar a mannalon a nagdengngeg ti baro nga adal ti panagpatan-ay ti pagay.

Ti Syngenta Philippines, Inc. ket napaneknekanen kadagiti demo-farm nga inyusuatda ti laing dagiti patanorda a bukel ti hybrid rice, insecticide, fungicide ken mollusksicide a a maidiaya kadagiti mannalon iti nainkalintegan a presio. 

Mayannatup dagitoy  iti panggep ti Gobierno Munisipal nga idauluan ni Mayor Edgardo “Ediboy” S. Cobangbang, Jr. para  iti naproduktibo a panagsukay ti talon a mangiragpat ti kasasaad dagiti mannalon  babaen ti masapulanda iti nginatuan  a bilang ti naapitda. # (Web In-Action)

NATARIMAAN A PASDEK TI BRGY. DACLAPAN, NAKASAGANA A PAGBASAAN

Cabugao, Ilocos Sur – Pannakaipaay ti natalged a bubongan ti  pagadalan ti ubbing iti maysa a   kaipapanan ti programa ti Gobierno Munisipal nga idauluan ni Mayor Edgardo “Ediboy” S. Cobangbang, Jr. iti panangtulongna iti benneg ti Edukasion kas itoy a pannakapasayaat ti atep ti  pasdek-pagadalan iti Daclapan Elementary School nga idauluan ni Mr. Edwin Savellano, Head Teacher 3.

Imbatad ni Mr. Savellano a pagyamananna manen ti naited a tulong iti pagadalanda ken ni Mayor Ediboy ta napatgan ti kiddawda  ken saan a napaay ti panangikalikagumda a matarimaan ti nasapsapa ti nasao  a pasdek tapno apagisu a mausar iti umay a panagseserrek ti klase. # (Web In-Action)