Cabugao, Ilocos Sur - Naimbentarion dagiti rehistrado a kalsada ti barangay (graveled ken concrete) kasta pay a nairaman dagiti Municipal Roads, Provincial Roads, ken rangtay iti intero a Munisipalidad ti Cabugao.
Nangrugi daytoy nga aktibidad idi Enero 28, 2013 babaen iti Office Order ni Mayor Edgardo S. Cobangbang, Jr.
Iti pannakiuman ti Web In-Action iti Abril 2, 2013, imbatad ni Engr. Warren S. Siruno, Team Leader dagiti agrukrukod, a naileppasdan ti trabahoda agingga a naipinalda ti 33 a barangay ti Munisipalidad ti Cabugao.
Daytoy a gannuat ket paset ti direktiba ni Mayor Edgardo “Ediboy” S. Cobangbang, Jr. tapno ma-update ti imbentario dagitoy nga impraestruktura ken pasilidades para iti Municipal Planning and Development Coordination (MPDC) ken kanaigna a pakasapulan ti LGU-Cabugao para iti agdama ken iti masakbayan. # (Web In-Action)
Wednesday, April 3, 2013
DUMURDUR-AS TI NISTC-CABUGAO PUBLIC MARKET
Cabugao, Ilocos Sur – Iti pannaki-amad ti Web In-Action iti NISTC Market Office iti Abril 2, 2013, imbatad ni Mrs. Norma Z. Bertumen, Market Supervisor III nga agtultuloy a pumintas ti koleksion kadagiti balanse dagiti mangtartarawidwid kadagiti puesto (Cazetas) iti Tiendaan a naibasar daytoy iti rekord ti NISTC Office iti Enero-Marso 2013.
Nupay kasta, agtultuloy ti umay makitienda uray pay kadagiti agindeg iti kabangibang nga ili nangruna kadagiti Holiday Season kas idi panawen ti Paskua ken kalkalpas a Semana Santa a mangpaadu ti malakuan dagiti aglaklako ken adda puestona iti Tiendaan.
Kanaig daytoy, dadduma pay a nagdur-asan ti Tiendaan ket iti maus-usaren a baro a Comfort Room iti daya ti NISTC Building kas katinnulong dagiti agdama a pagpaknian tapno mamantener ti kinadalus ken sanitasion iti uneg ti Tiendaan.
Dagitoy a panagbalbaliw ken panagsayaat ti Tiendaan ket gubuay iti nasamay a Direktiba ni Mayor Edgardo “Ediboy” S. Cobangbang, Jr. nga itultuloy nga ipatungpal ti Management Staff ti NISTC Public Market. # (Web In-Action)
Nupay kasta, agtultuloy ti umay makitienda uray pay kadagiti agindeg iti kabangibang nga ili nangruna kadagiti Holiday Season kas idi panawen ti Paskua ken kalkalpas a Semana Santa a mangpaadu ti malakuan dagiti aglaklako ken adda puestona iti Tiendaan.
Kanaig daytoy, dadduma pay a nagdur-asan ti Tiendaan ket iti maus-usaren a baro a Comfort Room iti daya ti NISTC Building kas katinnulong dagiti agdama a pagpaknian tapno mamantener ti kinadalus ken sanitasion iti uneg ti Tiendaan.
Dagitoy a panagbalbaliw ken panagsayaat ti Tiendaan ket gubuay iti nasamay a Direktiba ni Mayor Edgardo “Ediboy” S. Cobangbang, Jr. nga itultuloy nga ipatungpal ti Management Staff ti NISTC Public Market. # (Web In-Action)
Tuesday, April 2, 2013
CAMPAIGN TRAIL NI CONG. RYAN KEN VICE GOV. DV DITOY CABUGAO
Cabugao, Ilocos Sur – Napilida ti ili a Cabugao, Ilocos Sur a nakairugian ti Provincewide Election Campaign ti grupo da Diputado Ryan Luis V. Singson, Kandidato a Para-Gobernador ken Vice Gov. Deogracias Victor “DV” B. Savellano, Pailayon a Bise-Gobernador iti Probinsia ti Ilocos Sur para iti National and Local Elections inton Mayo 13, 2013.
Iti bigat ti Abril 1, 2013, immuna a nagatendar ti grupo iti Misa a naangay iti Simbaan ni Apo Sto. Cristo Milagroso, Iglesia Romano Katolika, Sinait, Ilocos Sur sakbay a nagturongda iti Cabugao Beach Resorts para iti naangay a pammigat. Kalpasanna, nagderetso ti grupo kadagiti agur-uray a bumarangay iti Barangay Pug-os, Cabugao, Ilocos Sur nga idauluan ni Brgy. Captain Arnold “Bambi” Yangat.
Kinadua dagiti Barangay Captains ti ili a Cabugao nga idauluan ni ABC President, Brgy. Captain Thaddeus “Teddy” U. Soller kasta met ti Party Line-up dagiti kandidato a para Sangguniang Bayan kas kada SB Member Re-electionists Dr. Carlito S. Pano; Dr. Jemaima S. Tan-Yee, Hon. Josefina S. Vallejo; Hon. Benedicto M. Savellano; Hon. Carlos V. Sison kasta met dagiti kaduada a kandidato a da Hon. Danilo Q. Gazmen, Brgy. Captain Inocencio S. Sadac ken Brgy. Captain Rogelio S. Siruno para iti Gobierno Lokal ti Cabugao nga idauluan ni Re-electionist Mayor Edgardo “Ediboy” S. Cobangbang, Jr. ken ni Hon. Deogracias Jose “DJ” H. Savellano, kandidato a Para-Bise Mayor iti nasao nga ili.
Nagpaay a Facilitator ti grupo ni Vice Gov. DV Savellano iti naangay a programa. Sinaggaysana a pinagsarita dagiti Kandidato a para Board Member a kas kada Hon. Ismael Baterina, Atty. Rex Augustus S. Morales, Hon. Edgar Yabes, ken Hon. Jerry C. Singson.
Naiballaet met dagiti makaray-aw nga on the spot Question and Answer portion iti panagtataripnong.
Nangipaay met ti mensahe ni Diputado Ryan Luis V. Singson, Kandidato a Para Gobernador kasta met ken ni Hon. Ronald V. Singson, Kandidato a para Congressman, First District, Ilocos Sur.
Nagsarita met ni Mayor Ediboy. Panagkaykaysa a mangitunda iti ad-adu pay a panagdur-as para iti umili ti Cabugao ti kangrunaan a bugas ti mensahena. Kalpasanna, nagturong ti grupo iti ili ti San Juan, Ilocos Sur a sumaruno a pagkampaniaanda. # (Web In-Action)
Iti bigat ti Abril 1, 2013, immuna a nagatendar ti grupo iti Misa a naangay iti Simbaan ni Apo Sto. Cristo Milagroso, Iglesia Romano Katolika, Sinait, Ilocos Sur sakbay a nagturongda iti Cabugao Beach Resorts para iti naangay a pammigat. Kalpasanna, nagderetso ti grupo kadagiti agur-uray a bumarangay iti Barangay Pug-os, Cabugao, Ilocos Sur nga idauluan ni Brgy. Captain Arnold “Bambi” Yangat.
Kinadua dagiti Barangay Captains ti ili a Cabugao nga idauluan ni ABC President, Brgy. Captain Thaddeus “Teddy” U. Soller kasta met ti Party Line-up dagiti kandidato a para Sangguniang Bayan kas kada SB Member Re-electionists Dr. Carlito S. Pano; Dr. Jemaima S. Tan-Yee, Hon. Josefina S. Vallejo; Hon. Benedicto M. Savellano; Hon. Carlos V. Sison kasta met dagiti kaduada a kandidato a da Hon. Danilo Q. Gazmen, Brgy. Captain Inocencio S. Sadac ken Brgy. Captain Rogelio S. Siruno para iti Gobierno Lokal ti Cabugao nga idauluan ni Re-electionist Mayor Edgardo “Ediboy” S. Cobangbang, Jr. ken ni Hon. Deogracias Jose “DJ” H. Savellano, kandidato a Para-Bise Mayor iti nasao nga ili.
Nagpaay a Facilitator ti grupo ni Vice Gov. DV Savellano iti naangay a programa. Sinaggaysana a pinagsarita dagiti Kandidato a para Board Member a kas kada Hon. Ismael Baterina, Atty. Rex Augustus S. Morales, Hon. Edgar Yabes, ken Hon. Jerry C. Singson.
Naiballaet met dagiti makaray-aw nga on the spot Question and Answer portion iti panagtataripnong.
Nangipaay met ti mensahe ni Diputado Ryan Luis V. Singson, Kandidato a Para Gobernador kasta met ken ni Hon. Ronald V. Singson, Kandidato a para Congressman, First District, Ilocos Sur.
Nagsarita met ni Mayor Ediboy. Panagkaykaysa a mangitunda iti ad-adu pay a panagdur-as para iti umili ti Cabugao ti kangrunaan a bugas ti mensahena. Kalpasanna, nagturong ti grupo iti ili ti San Juan, Ilocos Sur a sumaruno a pagkampaniaanda. # (Web In-Action)
Monday, April 1, 2013
DANDANIN AGKAKAMANG TI CONCRETE ROADS ITI BRGY. NAGSANTAAN
Cabugao, Ilocos Sur – Iti pannaki-amad ti Web In-Action iti Abril 1, 2013, imbatad ni Brgy. Captain Mario Peralta ti Brgy. Nagsantaan iti dandanin panagkakamang dagiti kangrunaan a barangay roads iti barangayda.
Innayonna a babaen ti panagkaykaysada a lumugar, sumaruno a kiddawenda iti pannakasemento ti dalan a kumamang kadagiti purok ti balbalay tapno naan-anay nga agnam-ayda iti panagdaliasatda. Kangrunaan itoy a dalan iti kumamang iti Brgy. Baracbac, Sinait, Ilocos Sur a posible a panglintegan dagiti pumurok nga agpa-National Highway a saanen a masapul a manglikaw pay.
Ti pannakapasayaat dagiti kalsada ket agtalinaed a prayoridad a programa ti Gobierno Munisipal nga idauluan ni Mayor Edgardo “Ediboy” S. Cobangbang, Jr. tapno nadaras ti pannakairuar ti produkto dagiti mannalon ken manam-ayanda nga agdaliasat iti pagallatiwanda a lugar. # (Web In-Action)
Innayonna a babaen ti panagkaykaysada a lumugar, sumaruno a kiddawenda iti pannakasemento ti dalan a kumamang kadagiti purok ti balbalay tapno naan-anay nga agnam-ayda iti panagdaliasatda. Kangrunaan itoy a dalan iti kumamang iti Brgy. Baracbac, Sinait, Ilocos Sur a posible a panglintegan dagiti pumurok nga agpa-National Highway a saanen a masapul a manglikaw pay.
Ti pannakapasayaat dagiti kalsada ket agtalinaed a prayoridad a programa ti Gobierno Munisipal nga idauluan ni Mayor Edgardo “Ediboy” S. Cobangbang, Jr. tapno nadaras ti pannakairuar ti produkto dagiti mannalon ken manam-ayanda nga agdaliasat iti pagallatiwanda a lugar. # (Web In-Action)
NABIAG NGA ANIMAL TI PREMIO ITI RAFFLE DRAW
Cabugao, Ilocos Sur – Iti pannaki-amad ti Web In-Action idi Marso 30, 2013, imbatad ni Mr. Mariano Raciles, Jr., Presidente ti Cabugao Cattle Traders Association a napagnanaminganda kadagiti kaopisialanna iti asosasionda a maysa nga animal nga agbalor ti P15,000 ti First Prize iti Raffle Draw nga isayangkat ti Asosasion inton kaaldawanda iti panagpiesta ti ili. Agduduma met a klase ti Appliances dagiti sumarsaruno a papremioda.
Kas iti gagangay, nabun-as ken nalalapsat dagiti na-idayo nga ayup kas iti baka ken nuang iti kaaldawan ti Cabugao Dayo. Naregget met dagiti Koridor a mangsangal kadagiti transaksion a napasamak iti uneg ti Dayo.
Nakipagtarabay met da Mayor Edgardo “Ediboy” S. Cobangbang, Jr. ken ABC Presidente Brgy. Captain Teddy U. Soller kadagiti nagdadayo. (Web In-Action)
Kas iti gagangay, nabun-as ken nalalapsat dagiti na-idayo nga ayup kas iti baka ken nuang iti kaaldawan ti Cabugao Dayo. Naregget met dagiti Koridor a mangsangal kadagiti transaksion a napasamak iti uneg ti Dayo.
Nakipagtarabay met da Mayor Edgardo “Ediboy” S. Cobangbang, Jr. ken ABC Presidente Brgy. Captain Teddy U. Soller kadagiti nagdadayo. (Web In-Action)
SLOPE PROTECTION TI KALSADA TI BRGY. BATO, MAILEPLEPPAS
Cabugao, Ilocos Sur – Naileppasen ti dua a kadisso nga Slope Protection a masarakan iti Barangay Bato, Cabugao, Ilocos Sur. Nupay kasta, magaboran ti likudan dagiti riprap tapno naan-anay a makadaliasat dagiti lugan ken ramit pang-agrikultura iti inaldaw iti nasao a barangay.
Segun ken ni Municipal Engineer Crescencio C. Formoso a naiplanon ti Munisipio no kasano a maipaay ti gabor dagitoy a nareggaay a paset ti kalsada.
Iti pannaki-amad ti Web In-Action idi Marso 30, 2013, imbatad ni Brgy. Captain Santos Aquino, Jr. a kasarsaritana dagiti kalugaranna ken dagiti agdaliasat a lugan nga iyur-urayda iti pannakagabor daytoy a paset ti kalsada a sumalpot iti EEA Road a tumpuar iti National Highway, Sitio Bessang, Brgy. Rizal, Cabugao, Ilocos Sur.
Insupusop pay ni Brgy. Captain Aquino a makitinnulongdanto a bumarangay a mangigabor iti bunagen ti dump truck a maipan kadagitoy a reggaay ti kalsada. # (Web In-Action)
Segun ken ni Municipal Engineer Crescencio C. Formoso a naiplanon ti Munisipio no kasano a maipaay ti gabor dagitoy a nareggaay a paset ti kalsada.
Iti pannaki-amad ti Web In-Action idi Marso 30, 2013, imbatad ni Brgy. Captain Santos Aquino, Jr. a kasarsaritana dagiti kalugaranna ken dagiti agdaliasat a lugan nga iyur-urayda iti pannakagabor daytoy a paset ti kalsada a sumalpot iti EEA Road a tumpuar iti National Highway, Sitio Bessang, Brgy. Rizal, Cabugao, Ilocos Sur.
Insupusop pay ni Brgy. Captain Aquino a makitinnulongdanto a bumarangay a mangigabor iti bunagen ti dump truck a maipan kadagitoy a reggaay ti kalsada. # (Web In-Action)
NATALNA KEN NASOLEMNIDAD TI SEMANA SANTA
Cabugao, Ilocos Sur – Natalna ken nasolemnidad ti panangselebrar dagiti umili ti Cabugao, Ilocos Sur iti Semana Santa (Marso 25-31, 2013). Dua a banag ti nangital-o ti karirikna dagiti umili a bakasionista ken dinanon dagiti simmangpet kasakbayan ken iti kangitingitan ti Lenten Season: naipasnekda ti agselebrar iti sidong ti pamilia ken kabagianda.
Naaramid ti nagsaruno a libut ken Station of the Cross iti kamalman ti Maundy Thursday ken Good Friday babaen kadagiti Parishioners ti Iglesia Romano Katolika ken Iglesia Filipina Independiente (IFI) iti aglikmut ti Poblasion.
Iti Black Saturday ken Easter Sunday, nagtultuloy a natalna ti kasasaad dagiti umili ken naannayas ti trapiko iti amin a direksion a pagaaduan ti tao: iti Simbaan man ken idiay Tiendaan.
Iti pannaki-amad ti Web In-Action, imbatad ti Cabugao Municipal Police Station a naballigi ti pannakaipakat ti Security Plan/Semana Santa ken Oplan Summer Vacation (SUMVAC) ti kapolisan iti Munisipalidad.
Kalpasan ti Misa ti Easter Sunday, kaaduan dagiti umili ti nagturong kadagiti Beaches ken Resorts iti masakupan ti Munisipalidad tapno agrelaks kalpasan iti sumagmamano nga aldaw nga inda panagkonsentrar/pannakipaset kadagiti ritual/aktibidades kadagiti pammatida. (WEB SITUATIONAL REPORT)
Naaramid ti nagsaruno a libut ken Station of the Cross iti kamalman ti Maundy Thursday ken Good Friday babaen kadagiti Parishioners ti Iglesia Romano Katolika ken Iglesia Filipina Independiente (IFI) iti aglikmut ti Poblasion.
Iti Black Saturday ken Easter Sunday, nagtultuloy a natalna ti kasasaad dagiti umili ken naannayas ti trapiko iti amin a direksion a pagaaduan ti tao: iti Simbaan man ken idiay Tiendaan.
Iti pannaki-amad ti Web In-Action, imbatad ti Cabugao Municipal Police Station a naballigi ti pannakaipakat ti Security Plan/Semana Santa ken Oplan Summer Vacation (SUMVAC) ti kapolisan iti Munisipalidad.
Kalpasan ti Misa ti Easter Sunday, kaaduan dagiti umili ti nagturong kadagiti Beaches ken Resorts iti masakupan ti Munisipalidad tapno agrelaks kalpasan iti sumagmamano nga aldaw nga inda panagkonsentrar/pannakipaset kadagiti ritual/aktibidades kadagiti pammatida. (WEB SITUATIONAL REPORT)
Subscribe to:
Posts (Atom)