WOMEN CERTIFICATE OF RECOGNITION, INAWAT DAGITI OPISIALES TI ILI A CABUGAO

Cabugao, Ilocos Sur –  Naipaay  ti Certificate of Recognition iti  Municipality of Cabugao nga idauluan ni Mayor Josh Edward S. Cobangbang  kas pangbigbig iti suporta ti Ili ken ti Gobierno Lokal  para iti Ilocos Sur Womens Congress wenno masasao a Pinay Power Caravan  Ilocos Sur iti panangtarabay  ni SPM Maria Mikaela Karita “Mika”  Singson Mendoza, Committee Chairman on Women and Family Affairs iti Hunta Probinsial ti Ilocos Sur idi  Abril 2, 2018 kalpasan ti Flag Raising Ceremony iti LGU-Cabugao iti Flagpole ti Rizal Barangay Hall, Barangay Rizal, Cabugao, Ilocos Sur.

Sakbayna, naaramid  idi ti panagtitipon dagiti nagseminar a partisipantes iti Cabugao Early Childhood Care Development Center Building. Nagpartisipar dagiti Kagawad ti Barangay iti ili ti San Juan ken iti ili ti Cabugao kasta metten dagiti lallaki a nangibagi kadagiti masektoranda ken binayabay dagiti Opisiales ti nasao a dua nga ili nga inyuna idi ni SBM Vicky S. Serna, Chairman, Committee on Women and Family Affairs iti Konseho Munisipal ti Cabugao.

Ti Pinay Caravan  Power ket es-esponsoran ti Provincial Government ti Ilocos Sur; Sangguniang Panlalawigan; Gabriela Women’s Party; Junior Chamber International Vigan, Inc. (JCI Vigan); ken ti Ilocos Sur Ladies for Ryan a mangipaay ti adal tapno  manayonan iti pannakaammo dagiti umili iti kalintegan ken karbenganda nangruna iti Sektor-Kababaihan partikular iti probision ti RA 9262 ( Anti-Violence Against Women and Their Children Act of 2004).  

Iti pannakaiyawat ti nasao a pammadayaw ket inimatangan ti Pamilia-LGU. Nakipaset da SBM Danny Q. Gazmen; SBM Vicky S. Serna; SBM Atty. Randy Baniaga G. Kinaud; SBM Josefina S. Vallejo; MSWD Officer Mrs. Lydia S. Gazmen; HRM Officer Miss Mimie S. Sison ken ni Miss Aida S. Cueto, Staff ti MSWDO.# ( Web In-Action) 

CABUGAO BIRIT QUEST, RAY-AW KEN LIWLIWA ITA A BAKASION

Cabugao, Ilocos Sur – Nailunsad ti pannakairugi ti pasalip ti Cabugao Birit Quest idi rabii ti Abril 1, 2018 a maysa nga aktibidad a mangparagsak iti mapaspasungadan  a panagpiesta ti ili iti Cabugao ita a  bulan ti Abril 2018  a no sadino a ditoy ket inarak dagiti umili ken sangsangaili a nangkuyog kadagiti contestants a naggapu iti nadumaduma nga ili iti Ilokos.

Da Mr. Dharen Jake R. Garcia ken ni Mr. Allen James Sambrana iti nagpaay a Hosts iti pakontes iti stage ti Cabugao Central Park (CCP), Brgy. Bonifacio, Cabugao, Ilocos Sur.

Duapulo a kumakanta iti nakipartisipar iti nasao a pasalip ket tunggal eskediul a pannakasunot ti pasalip ket maeliminar wenno makerras ti lima a contestants agingga a limanto  laengen  ti mabati nga agsasalip iti Grand Finals. 

Ti Cabugao Birit Quest ket  naorganisar  a mangray-aw ken mangliwliwa kadagiti umili nangruna ita a bakasion a bulbulan. Kangrunaan a nangesponsor ti LGU-Cabugao  nga idauluan ni Mayor Josh Edward S. Cobangbang.   # (Web In-Action)

CLOSING EXERCISES TI ABRIL 2-6, 2018, INDAULUAN TI CABUGAO SOUTH CS KEN TI CABUGAO NORTH CS

Cabugao, Ilocos Sur – Maar-aramid ti Closing Exercises iti 24  a Pageskuelaan-Elementaria  ti Cabugao DepEd District iti Abril 2-6, 2018  nga indauluan dagiti pageskuelaan ti Elementaria ti Poblasion kas iti Cabugao South Central School ken iti Cabugao North Central School babaen iti Tema: “K to 12 Learners: Ready to Face Life’s Challenges”.

Maibatay iti eskediul a binukel ti Cabugao DepEd District, immuna a naangay ti Closing Exercises iti Abril 2, 2018 kadagiti sumaganad a pageskuelaan:   Cabugao South Central School; Daclapan Elementary School; Lipit Elementary School; ken ti Sisim Elementary School.

Abril 3, 2018 – Aragan ES; Bungro ES; Maradodon ES; Pug-os ES; Reppa-ac ES; Salomague ES ken ti Turod ES.

Abril 4, 2018 – Caellayan ES; Carusipan ES; Catucdaan ES; Cuantacla ES; Namruangan ES; Pila ES; Sabang ES; Sagayaden ES; Salapasap ES; ken ti Nagsantaan ES.

Abril 5, 2018  – Cabugao North Central School ken Arnap ES.

Abril 6, 2018 – Dardarat ES ken ti Nagsincaoan ES.

Iti nadakamat a Closing Exercises and Moving-Up Ceremony,  naigiddan iti panagturpos dagiti Kindergarten Pupils kadagita a Pagadalan-Elementaria.

Paset pay iti Graduation Ceremonies iti Reading of the Message of the DepEd Secretary Leonor Magtolis Briones; Schools Division Superintendent Ms. Gemma Q. Tacuycuy ken ni Dr. Arnel Doctolero,  Assistant Schools Division Superintendent.  # (Web In-Action)

SELEBRASION TI SEMANA SANTA 2018, NAGLEPPAS

Cabugao, Ilocos Sur – Nagleppas ti selebrasion ti Semana Santa  (Marso 25-Abril 1) kadagiti umili ti Cabugao, Ilocos Sur. Iti  kangitingitan dagiti   “Nangina nga Aldaw” ket naipamaysa dagiti umili  iti nagselebrar/nagngilin  iti sidong ti pamilia, gagayyem  ken dagiti  kakabagianda.

Kabayatanna, naaramid ti Estasion Heneral idi malem ti Martes Santo ket naangay  iti panaglibut kadagiti Processional Route iti Poblasion babaen kadagiti Parishioners ti  Iglesia Romano Katolika. 

Naaramid ti Libut Santo Entiero ti Iglesia Romano Katolika idi malem ti Biyernes Santo ken kasta metten  iti inaramid dagiti kameng ti Iglesia Filipina Independiente (IFI) ket naglibutda met iti Poblasion.

Iti unos dagiti aldaw a masakupan ti Semana Santa 2018, naipamaysa a tinarawidwidan ti  Law Enforcement  Group iti naannayas a  turong ti  trapiko iti amin a direksion a pagaaduan ti tao: iti Simbaan, Kalsada Nasional ken idiay Tiendaan (NISTC).

Impatungpal ti puersa ti Municipal Police Station iti pannakaipakat tiPNP Sumvac 2018  iti naaramid a Holy Week Break. # (Web Situational Report)

CLOSING EXERCISES KEN MOVING UP CEREMONY TI CABUGAO SOUTH CENTRAL SCHOOL, NAANGAY

Cabugao, Ilocos Sur – Naangay ti Closing Exercises  and Moving Up Ceremony   ti  Cabugao South Central School  ket  naangay ti  Graduation Ceremonies iti CSCS Quadrangle ti nadakamat a pagadalan iti Abril 2, 2018. Nagpaay  a Guest of Honor and Speaker ni Mr. Jose V. Singson, Jr., Retired Master Teacher II,  Class 1963. 

Imbinglay ni Mr. Singson dagiti nasamay nga aramiden dagiti naggraduar nga ubbing tapno maragpatda iti balligida.

Naisaganad ti Recognition of Honor Graduates. Inyaspili dagiti nagannak/Guardians  dagiti  ribbon dagiti nagturpos.

Petition of the Candidates for Graduation ti inaramid ni Mrs. Estrellita M. Siruno, Principal III, CSCS.

Confirmation of Candidates for Graduation ti inakem ni Dr. Consesa T. Rumias, Ed. D.,  Public Schools District Supervisor ti ili a Cabugao, Ilocos Sur.

Nasangaili ni Mayor Josh Edward S. Cobangbang ket  nangipaay ti Inspirational Message; nagiyukkor   iti Medalia ken nangimatang/nagiyawat  ti pannakaited dagiti Sertipiko iti Panagturpos kadagiti naggradduar a kinuyog dagiti nagannak kadakuada.

Iti Mensahe ni Mayor Josh Edward, pinabilegna ti rikna dagiti ubbing a nagturpos nga ituloyda ti agbasa; ragpatenda iti nangatngato a tukad ti adal tapno magun-odda ti balligi. Ininspiraran pay ti Ama ti Ili dagiti nagannak ken mangisursuro a tarabayenda dagiti ubbing a nagturpos ken sitatarabay met ti Gobierno Lokal ti ili a mangkita iti agtultuloy a pannakapasayaat iti sektor ti edukasion iti Munisipalidad. 

Naited ti Academic Excellence Awards with High Honors ken ni Gabriel C. Azcueta ket naipaay  kenkuana dagiti medalia nga inted da Gov. Ryan Luis V. Singson; Cong. Deogracias Victor B. Savellano; Mayor Josh Edward S. Cobangbang ken iti St. Paul College of Ilocos Sur. 

Dadduma pay a pammadayaw a nagun-od ni Gabriel ket iti Young Public Servants nga inted ti LGU-Cabugao a kaduana da  Yansie Faith S. Baclig ken ni Marjo E. Sonido; Gold Medal, Outstanding Journalist; Eufemia Flores Memorial Award babaen ken ni Dr. Samson Flores; Leadership Award a naggapu ken ni Mayor Josh Edward S. Cobangbang.

With Honors ni Darwin Anthony B. Sumibcay ken inted da Mr. & Mrs. Jeremy Seguban, Sr. ken iti St. Paul College of Ilocos Sur dagiti medaliana.

Dadduma pay  a naikkan ti pammadayaw ket dagiti nagturpos a nakagun-od iti Outstanding Performance in Specific Disciplines a kas iti Athletics; Arts; Communication Arts; Science; Mathematics ken iti Social Sciences. Napadayawan pay dagiti Outstanding Graduates iti Boy Scouts ken Girl Scouts ken iti  Best in Christian Living kasta pay iti  Special Awards; Active Marching Band Members; Aflatoun  Top Depositor; ken iti Certificate of Scholarship iti St. Paul College of Ilocos Sur.

Dagiti dadduma a medalia ket indonar dagiti prominente nga umili ti Cabugao ken naited kadagiti dadduma a Honor Graduates/Awardees   babaen kadagiti natudingan a pannakabagida. 

Nasangaili ken nagmensahe da Schools Division Superintendent Ms. Gemma Q. Tacuycuy, CESO V  ken ni Dr. Arnel Doctolero,  Assistant Schools Division Superintendent. Nakikaysa met ni Retired Teacher Eufrocina Naval-Pante.

Nagtitinnulong a nag-Emcee da Miss Jennifer D. Savellano; Mrs. Odette V. Somera ken ni Mrs. Anabelle R. Ancheta iti  Graduation Ceremonies. (Web In-Action)

RAMIT KEN DUA A TRICYCLE, NAI-TURNOVER ITI CABUGAO MANGO GROWERS

Cabugao, Ilocos Sur – Naangay ti  Seremonia iti Distribution ken Turnover iti dua a Tricycle ken Livelihood Equipments a para iti Fruits and Vegetables Processing  kadagiti Opisiales ken Miembros ti Cabugao Mango Growers Association nga idauluan ni Ms. Faith Sabio iti Abril 2, 2018 iti sango ti Cabugao Cultural and Sports Complex, Barangay Rizal, Cabugao, Ilocos Sur.

Dagitoy a naited a pagsayaatan iti nadakamat nga Asosasion ket paset iti kalikagum dagiti agpatpatanor ti mangga ken naisangrat para iti fruit and vegetable processing para iti pannakaidur-as ti industria ti mangga ditoy a Munisipalidad. 

Nagkammayet ti DA-PRDP ken iti LGU-Cabugao nga idauluan ni Mayor Josh Edward S. Cobangbang iti pannakapundo dagiti nadakamat a Tricycle idinto ta iti met Ahensia ti Department of Trade and Industry ti akimbagi  dagiti nairaman a ramit  nga usaren ti Asosasion.

Iti nadakamat a seremonia, nakipaset da SBM Danny Q. Gazmen; SBM Vicky S. Serna; SBM Dr. Jemaima S. Tan-Yee; SBM Josefina S. Vallejo ken ni SBM Atty. Randy Baniaga G. Kinaud, Committee Chairman on Agriculture and Fisheries; ABC President Thaddeus “Teddy” U. Soller; ken ni LGU-BUB Implementor Edgar S. Balangatan. # (Web In-Action)

DADAKKEL A SELEBRASION ITI BULAN TI MARSO 2018, NARUGIAN

Cabugao, Ilocos Sur – Agtultuloy nga idauluan ti Grupo ti Clean and Green Program ti Munisipio nga imatonan ni MENRO-Designate  Edgar S. Balangatan, AT,   iti pannakadalus dagiti Parke, Plaza, Kalsada-Nasional, Processional  Routes, Public Facilities iti Poblasion  kas iti Cabugao Central Park, aglawlaw ti Munisipio, NISTC Public Market  ken iti Food Court kasta metten  iti pannakaitandudo ti Solid Waste Management Program   kadagiti barangay ti ili ken iti Poblasion babaen iti LGU-Cabugao. 

Inggunamgunam ti MENRO-Cabugao  a kakokoordinarda dagiti Opisiales ti Barangay ken bumarangay  nangruna iti asideg ti Poblasion nga aramidenda  koma   iti parteda iti panagdaldalus  tapno makomplementaran ti ar-aramiden ti LGU ken dalusanda dagiti mabatoganda a paset dagiti Barangay Roads-da, Provincial Road, Processional Routes   ken iti National Highway.

Kabayatanna, imbatad ni MENRO Edgar S.  Balangatan a babaen iti regular a panagmonitor-da ket maar-aramid met ti regular coastal clean-up nga isayangkat  dagiti nadumaduma a sektor kadagiti pito a barangay iti igid ti baybay.

Innayon ti MENRO a dagitoy ket mailungalong a kanayon tapno mamantener iti kinadalus ken kinapintas iti mabuybuya iti aglawlaw para iti  mapasungadan a dadakkel a selebrasion ti ili: Semana Santa 2018; pannakarambak ti panagpiesta ti ili; panagsangaili kadagiti makipartisipar iti Palarong Pambansa 2018;  ken ti panagsangpet dagiti Bakasionista ken Balikbayan ditoy ili ti Cabugao ita a summer months. # (Web Situational Report)