REGIONAL NUTRITION AWARDING CEREMONY, NAANGAY

Cabugao, Ilocos Sur – Inatendaran  ti  Delegasion ti Cabugao nga idauluan da MNAO Joenah G. Sevilleja ken Brgy. Captain Valentin S.  Tuyor, Jr. ken ti kameng ti  Konseho-na iti Brgy. Bonifacio, Cabugao, Ilocos Sur iti Regional Nutrition Awarding Ceremony sadiay ORT, Cooperative Training Center, City of San Fernando, La Union idi Setiembre 26, 2012 tapno awatenda ti dua a pammadayaw: Regional Most Outstanding BNS ni Mrs. Macrina I. Saturno ken Green Banner Award, Municipal Outstanding Green Banner Awardee, Provincial Winner ti ili a Cabugao, Ilocos Sur nga idauluan ni Mayor Edgardo S. Cobangbang, Jr.

Kanaig daytoy, immawat ni Mrs. Saturno ti Plaque of Appreciation ken Cash Award a P12,000.00

Imbasa ni Ms. Rose Lulu Pagaduan, OIC-Nutrition Program Coordinator, Region 1 ti mensahe ni Mayor Ediboy iti nasao a seremonia.

Impaay met ti response message ni Ms. Macrina Saturno kas Regional Most Outstanding BNS ti 2011.

Nasangaili iti nasao a seremonia ni Congresswoman Cynthia Villar ti Paranaque City ken pannakabagi ti Villar Foundation. # (Web In-Action)

INVESTITURE CEREMONY, INANGAY MET TI CABUGAO NCS

Cabugao, Ilocos Sur – Naangay ti Investiture Ceremony ti  GSP- Cabugao North Central School iti Cabugao Cultural and Sports Complex, Brgy. Rizal, Cabugao, Ilocos Sur  idi malem ti Setiembre 27, 2012 a nagpartisiparan dagiti Twinklers Scout, Star Scout ken Junior Scout, mangisursuro, nagannak   a nangimatang ti seremonia a maidaton ken ni Josefa Llanes Escoda, naindaklan nga Ina ti Scouting.

Immuna a paset ti programa ket ti Entrance of Girls by GSP March, Prayer ni Sophia S. Suboc, kasta met  ti Colors nga idauluan ni Gwyneth S. Silario, Presiding Officer ken naisaruno ti Pambansang Awit ni Ms. Eliza Joy Sioquin. Panunumpa ng Katapatan sa Watawat babaen ken ni Ms. Jennibelle Zabala.

Kimmablaaw ken nagyaman ni Mrs. Evangeline U. Seatriz, President, Troop Leaders’ Association and GS Ilocos Sur Council Board. Pinagyamananna ti napintas nga attendance ti naaramid a seremonia ken naurnos a pannakaiwardas ti programa.

Simmaruno ti Presentation of Troops: Twinkler-Mrs. Emely F. Bayona; Star-Mrs. Myrna B. Santella; ken Junior-Mrs. Anita S. Solatre.

Naisaganad ti Investiture Ceremony kas iti Commitment to the GS Promise and Law ken Acceptance of the Girls to the Movement nga  inannong ni Mrs. Estrellita M. Siruno, Investing Officer. Naisaganad ti Pinning of Investiture Pins, ken Dedication to the Girl Scout Promise and Law.

Nagsarita  ni Public Schools District Supervisor Helen V. Siruno, District Commissoner  ket dinayawna ti napintas a timpuyog dagiti mangisursuro a mangirusrusat  ti programa ti Girl Scout. Innayonna a napateg a  maan-annurot kadagiti pagadalan daytoy a nailian nga aktibidad dagiti babbai iti sektor ti Edukasion.

Impaay met ni SB Member Vicky S. Serna, GSP District Committee Chairman ti mensahena para iti daytoy a programa. Bininsana ti kaipapanan ti Tema: Stop the Violence, Speak Girls’ Rights”  a mangbigbig ti   pannakasalaknib ti karbengan dagiti babbai.

Naaramid ti intermission  number  dagiti Twinkler,  Star Scout, ken  Junior Scout.

Nagmensahe ni Mayor Edgardo “Ediboy” S. Cobangbang, Jr. ket inapresiarna ti impamatmat dagiti ubbing a Girl Scout. Imbatad ti Alkalde Municipal a napateg dagitoy a pakatubayan ti isip dagiti ubbing nga agbalin a responsible nga indibidual ken makipagili.  

Impaay ti Words of Gratitude ni Mrs. Digna R. Talusig, District Field Adviser. Pinagyamananna ti panagballigi ti programa babaen ti kooperasion ti amin a nagpartisipar.

Naaramid ti Singing of Ilocos Sur Hymn iti recessional. Nagpaay nga emcee da Agnes S. Balisacan, Junior Scout Troop Leader ken Ms. Arlene V. Mejia, Star Scout Troop Leader. # (Web In-Action)

REGIONAL NUTRITION AWARDING CEREMONY

ZERO WASTE MANAGEMENT DAYTOY NGA ESKUELA

Cabugao, Ilocos Sur – Naulimek ngem nabaked ti gapuanan dagiti mangisursuro ken ubbing  iti Pug-os Elementary School nga idauluan ni Miss Mildred M. Naval, Head Teacher III iti tay-ak  ti akademiko ken kanaigna nga aktibidad iti pagsayaatan ti eskuela .

Maysa kadagiti maipagpannakkelda ket ti zero waste management-da ta malaksid a maidalimanek a naimbag ti basurada ket mapagbalinda dagiti plastic ken cellophane a pakairanudan imbes a pakadaksan ti aglawlaw.

Iti pannakiuman ti Web In-Action ken ni Miss Naval idi Setiembre 27, 2012, imbatadna nga iti Coal Paper ti kaudian a diskubreda nga aramiden. Matudingan ti Grade 4, 5 ken 6 nga agisubmiter ti sag-10 a tinukel ti daddadakkel ngem  itlog  a napatangken a papel. Innayon ti Head Teacher  a kas iti uging ti kasamayna a pagluto daytoy a diskubreda.

Malaksid itoy, nagduduma pay dagiti partuatda a pagimbagan a patauden ti wara ti Tetra Pack ti  Funchum  kas iti waste paper basket, vases ti seedlings imbes a damili a magatang, nagetteng a maisaleksek  ti cushion a pungan imbes a kapas, ken dadduma pay a recycled projects nga ipadawatda ti bisita ken pangar-arkosda iti uneg ti Room-da ken idiay balay dagiti ubbing.

Gapu iti napintas a tunos ti mangidaulo, titser, ubbing, nagannak ken lumugar, nagun-odda manipud iti LGU ti tulong a pannakaatep ti School Stage, Extended Roofing ti Bagong Lipunan Building ken PMS Aquino Building.

Iti agkadinamag a Zero Waste-da ket nagbisita ni DA Regional Technical  Director ti Agriculture ken ti  pannakabagi ti NEDA iti pageskuelaan itay  nabiit ket kinitada ti Material Recovery Facility-da (MRF) ken ti Award-winning a garden-da, kasta pay iti  Nursery, Herbary, Tree Park ken ti nadalus ken naberde nga aglawlaw ti pageskuelaanda.     

Ti Pug-os ES ket pagwadan iti padana nga eskuela kas met la iti barangay a pakaisursurotanna a mapadpadayawan ditoy  Munisipalidad ti Cabugao. # (Web In-Action)

CUTTING OF RIBBON NI MAYOR EDIBOY TI BARO A PASDEK TI PUG-OS NHS

Cabugao, Ilocos Sur – Naaramid ti pananggetteng ti laso iti pannakaisibro ti baro a pasdek ti School Canteen ti Pug-os National High School, Brgy. Pug-os, Cabugao, Ilocos Sur babaen ken ni Mayor Edgardo “Ediboy” S. Cobangbang, Jr. iti Setiembre 27, 2012.

Binayabay dagiti naitaripnong ti Ama ti Ili a pakaibilangan da  Mrs. Lilia S. Savella, Head Teacher II, SB Member Vicky S. Serna, Committee Chair on  Education, SB Member Dr. Jemaima Tan-Yee ken Dr. Johan Yee-a kaingungotna; MPDC Florante Jara, Brgy. Captain Arnold Yangat, Ms. Dana Osborne, Miss Mildred M. Naval, Head Teacher III, Pug-os Elementary School, Mr. Edison Savellano, Head Teacher ti Arnap Elementary School ken Mr. Nestor de los Santos,  ALS District  Coordinator.

Nairugi ti programa babaen ti Food for thought for the day babaen ken ni Ms. Rea D. Samelin, School English Coordinator ken Welcome Remarks ni Mrs. Lilia S. Savella, Head Teacher II. Bugas ti bitla  ni Mrs. Savella a maisaruno a kiddawenda ti pannakaipatakder  ti Administration Building ti pagadalan iti Munisipio. Nangted ti namnama  ni Mayor Ediboy para kadaytoy a kiddaw.

Kimmablaaw ken nagyaman ti Alkalde Municipal  iti bumarangay ti Pug-os nga idauluan ni Brgy. Captain Arnold “Bambi” Yangat. Dinakamat ni Mayor Ediboy ti pannakalukat ti imatang ken apresiaren koma  ti bumarangay ti pannakaadda/pannakapasayaat ti pagadalan-sekundaria ditoy a barangay  a paka-hulma-an ti pampanunot dagiti agtutubo kas sumaruno a sanggir ti  henerasion  ken  lideres iti ili a Cabugao. Dinakamat pay ni Mayor Ediboy nga adda naikumit   ti LGU iti  tunggal eskuela a pakatulongan iti sapasap ti sektor-edukasion.

Impeksa met ni SB Member Vicky S. Serna ti agtultuloy nga akemda a tumulong iti Ama ti Ili a  mangipatungpal kadagiti pagsayaatan ti edukasion  babaen kadagiti  pandayenda  a gakat iti Konseho Munisipal.

Kalpasan ti pannakagetteng ti laso, napagsasanguan ti naisagana a taraon para iti pangngaldaw a nakiragupan ti amin a nagatendar ti programa. # (Web In-Action)