Cabugao, Ilocos Sur – Naangay ti 16th Foundation Day ti Pug-os National High School idi Pebrero 22, 2013 iti PNHS Covered Court, Brgy. Pug-os, Cabugao, Ilocos Sur.
Iti 8:00 am iti dayta a petsa, naaramid ti Thanksgiving Mass iti pagadalan babaen iti panangannong ni Rev. Fr. Felix A. Costales. Naaramid ti Field Demonstrations iti amin a Year Level kalpasanna.
Iti malem, naaramid ti Coronation Rites kadagiti pakandidatada. Kalpasan ti Doxology ken Philippine National Anthem, nag-Welcome Address ni Mrs. Lilia S. Savella, Head Teacher II. Naragsak a nangpasangbay ti amin a naitabuno kadaytoy anibersario ti eskuelada. Naaramid ti Grand March ti Royal Family nga indauluan da King Paul Jasper R. Talania ken Queen Kristel Mae S. Arthur. Kalpasan ti Pinning of Corsage and Sashes by the Parents, nakoronaan ti Ari ken Reyna babaen kada Vice Mayor Danny Q. Gazmen ken SBM Vicky S. Serna, Committee Chair on Education. Capa met ti insaad da SBM Dr. Jemaima S. Tan-Yee ken Dr. Johann Yee. Inted met ni Ms. Dana Osborne ken dagiti kinaasmangna a mangisursuro ti Lei ken Bouquet kadagiti Ari ken Reyna.
Naisaganad a nakoronaan ni 1st Prince Jeffrey Vicente ken 1st Princess Alonica Mae S. Almoguerra babaen kada Vice Mayor Danny Q. Gazmen ken SBM Josefina S. Vallejo. Ti 2nd Prince Clifford Y. Naval ken 2nd Princess Keeshia Aila Y. Castillo babaen kada Mrs. Rosemelinda D. Baclig ken Kagawad Alfredo Lano kasta met a kinoronaan dagiti Opisiales ti Barangay ti 3rd Prince & Princess ken 4rth Prince & Princess.
Iti mensahe ni Vice Mayor Danny Q. Gazmen, kimmablaaw ken nagyaman iti pannakaawisda nga agatendar iti anniversary celebration. Dinayawna ti kinatunosda: agad-adal, mangisursuro ken nagannak a nangisayangkat ti programa.
Nagsarita met da SBM Dr. Jemaima S. Tan-Yee, SBM Vicky S. Serna ken SBM Josefina S. Vallejo maipapan iti selebrasion ti High School Day ti Pug-os NHS.
Impaay ni Mrs. Edna Sinampaga, Federated PTA President ti Words of Gratitude. Nag-Emcee da Mrs. Emilia S. Lano ken Mrs. Ria D. Samelin. # (Web In-Action)
Cabugao, Ilocos Sur - Aktibo dagiti Opisiales ti Cabugao Cattle Traders Association nga idauluan ni Mr. Mariano Raciles, Jr. a mangiwarwardas kadagiti programa ken aktibidades ti Cabugao Dayo.
Kabayatanna, nagmiting dagiti Opisiales ti Cabugao Cattle Traders tapno mangisayangkatda iti Raffle Draw para iti pannakipagselebrarda inton Farmer’s Day, Abril 22, 2013 a ditoy ket agduduma nga appliances dagiti premio dagiti mangabak kasta met kadagiti consolation prizes a maited.
Imbatad ni Mr. Raciles a kayatda a maparagsak ti aldaw a naisangrat para kadakuada iti umay a panagpiesta ti ili.
Iti kaaldawan ti Dayo iti Pebrero 23, 2013, nakitaripnong ni Mayor Edgardo “Ediboy” S. Cobangbang, Jr. iti pagda-dayo-an a kaduana ni ABC President, Brgy. Captain Teddy U. Soller. Nakisarsarita pay ti Ama ti Ili kadagiti Opisiales ti Cabugao Cattle Traders agraman dagiti pannakabagi ti LGU a mangimatmaton ti Livestock Office nga idauluan ni Municipal Meat Inspector Dante Naval maipapan kadagiti mainayon pay a pagsayaatan ti Cabugao Dayo. # (Web In-Action)
Cabugao, Ilocos Sur – Naangay ti Seremonia ti Koronasion dagiti innem a kangatuan iti 12 a pakandidata ti Cabugao South Central School idi Pebrero 22, 2013 iti Open Auditorium iti nasao a pagadalan.
Immuna a naangay ti Parade iti aglikmut ti Poblasion iti bigat sa programa iti malem. Kalpasan ti Doxology ken Philippine National Anthem ti CSCS Choir, nag-Words of Welcome ni Mr. Walberto Torres, CSCS PTA President. Farewell March of Mr. & Miss CSCS 2012 a da Jian Paolo Sajonia 1st ken Nicole Alleah Santella 1st. Entrance of the Royal Court da His Royal Highness Lester Soller 1st ken Her Majesty Queen Aleina Marielle S. Sajor 1st.
Insaad da Vice Mayor Danny Q. Gazmen ken SB Member Vicky S. Serna, Committee Chair on Education ti korona da King Lester 1st ken Queen Aleina Marielle 1st.
Naisaad met ti Capa iti Ari ken Reyna babaen kada Ex-Board Member DJ Savellano ken District Supervisor Helen V. Siruno. Kinoronaan met da SBM Benedict M. Savellano ken SBM Dr. Jemaima S. Tan-Yee da 1st Prince Redgie Giovani Savellano ken 1st Princess Cherrise Keesha M. Nitcha ken kinoronaan met da SBM Benedicto M. Savellano ken SBM Dr. Jemaima Tan-Yee ti 2nd Prince ken 1st Princess.
Kinoronaan da Principal Melvi S. Sajonia ken Head Teacher Rodel P. Suniega ti 3nd Prince ken da Brgy. Captain Valentin S. Tuyor, Jr. ken ti kinaasmangna iti 3rd Princess; 4rth Prince ken 4rth Princess ti kinoronaan da Mr. Rodel P. Suniega ken ti kaasmangna ; 5th Prince da Mr. & Mrs. Antonio Pecho; 5th Princess da Ret. Col. & Mrs. Constante Pante; 6th Prince da Brgy. Kagawad Percival Somera ken Mrs. Herminia Cacho; 6th Princess da Kagawad Maximo Baclig ken Kagawad Ma. Cristina de Vera.
Iti mensahe ni Vice Mayor Danny Q. Gazmen, dinayawna dagiti nagannak a nagsakripisio kasta met dagiti mangisursuro a nangisayangkat ti pakandidata a pamataudan ti eskuela ti proyektoda.
Ti saan a pannakaum-uma dagiti nagannak nga agsakripisio ket para iti pagimbagan ti sapasap dagiti proyekto a mapataud kadaytoy a panagpakandidatada ti bugas ti mensahe ni District Supervisor Helen V. Siruno. Bininsana ti pateg ti tema ti aktibidad: “CSCS: Achieving Progress Through Partnership”.
Dagiti Sashes ti binagi dagiti nagannak nga insaad kadagiti maika-1st Prince & 1st Princess to 12th a paris ti kandidata ken inted dagiti Donors dagiti Trophies manipud 1st Prince and Princess to 6th Prince & Princess.
Closing Remarks ti inakem ni OIC Mr. Carlito Anor. Nagyaman kadagiti amin a nakipaset iti naballigi a seremonia ti Koronasion. # (Web In-Action)
Cabugao, Ilocos Sur – Naangay ti dua nga aldaw ti panagsanay iti Corn-Livestock Integrated Farming System Training kadagiti mannalon ti Cabugao iti Municipal Conference Hall idi Pebrero 20-21, 2013.
Iti 1st Day, Pebrero 20, 2013, naaramid ti programa sakbay a naangay ti Training Proper. Indauluan ti Prayer ni Mr. Ireneo Frando idinto ta ti Philippine National Anthem ken ni Ms. Rema Lucero. Welcome Remarks ken Acknowledgement of Participants ti binagi ni Mr. Dominador Reynold Sabio, Chairman, BACALL MPA.
Nagsarita ni Municipal Agriculturist Zenaida S. Andrada ket kinaritna dagiti Participants nga igaedda ti agsursuro ta napateg daytoy a maadal a mangnayon ti matgedanda.
Nangipaay ti Mensahe ni Mr. Cesar Escobar, Regional Corn Banner Coordinator, DA-RFU 1 ket pinadayawanna ti napintas a panagkinnammayet ti LGU-Cabugao ken dagiti asosasion ti mannalon ti ili ti Cabugao iti naregget a panangsaraboda kadagiti programa ti DA nangruna iti pannakaadaptar kadagiti kabaruanan a Teknolohia, nagun-odanda a Farm Mechanization & Postharvest Facilities ken Cash Crops kas iti mais ken dadduma pay a kanaigna a mula a patpatan-ayenda.
Kimmablaaw ken pinagyamanan met ni Mayor Edgardo “Ediboy” S. Cobangbang, Jr. dagiti naragpaten a gapuanan ti mayoridad a sektor ti ili: dagiti mannalon iti benneg ti Agrikultura. Ti pannakaiprayoridad ti agrikultura ket gubuayenna ita ti panaggin-awa dagiti umili babaen ti pannakapapigsa ti kabaelanda a gumatang (purchasing power) ket pumigsa ti ekonomia ti ili nga agsubli met la kadagiti umili babaen ti porma iti proyekto ken serbisio.
Indarirag pay ti Ama ti Ili nga iyallatiwda koma iti padada a mannalon dagiti maadalda iti seminar tapno sapasap a maammuanda dagitoy a kabaruanan a farming systems a mangnayon ti kabaelan dagiti mannalon.
Kalpasan ti Overview of the Training nga inted ni Ms. Edilyn P. Catungal, Corn Training Coordinator, insegida a naaramid ti Training Proper.
Introduction to Corn-Based Farming System, inyadal ni Ms. Jean B. Abella, R&D Corn Focal Person; Crop Livestock Integration, inyadal met ni Ms. Josephine Bueno, Livestock Staff, R&D; Values Orientation & Preparation of Project Proposal ni Ms. Melinda Mangabat, ATI-Technical Staff; ken Priority Diseases of Large and Small Ruminants in Region 1, inyadal ni Dr. Flordeliza Garcia, Provincial Veterinanrian.
Binagi met ni Dr. Jovita Datuin, Agricultural Center Chief, ti Feed Formulation & Mixing Using By-Products. # (Web In-Action)
Cabugao, Ilocos Sur – Nairingpas ti dua a kadisso a nasemento a paset dagiti kalsada iti Brgy. Reppaac, Cabugao, Ilocos Sur: ti Barangay Road Proper ken Sitio Cabidayan Road, segun ken ni Municipal Engineer Crescencio C. Formoso. Nagtaud ti pundo dagitoy a proyekto manipud iti Municipal Share ti RA 7171 ken inlungalong ti Gobierno Munisipal nga idauluan ni Mayor Edgardo “Ediboy” S. Cobangbang, Jr.
Iti pannaki-amad ti Web In-Action kadagiti makadaliasat kadagiti nadakamat a kalsada ti Brgy. Reppaac, imbatadda a manam-ayanda ita nga agdalan nangruna iti panangaramidda ti trabahoda iti pagtatalonanda ken iti panagpailida. Impeksada pay ti naan-anay a panagyamanda iti Gobierno Munisipal ti Cabugao kasta met iti Sangguniang Barangay nga idauluan ni Brgy. Captain June Basquez kadagitoy a nagprogresuan ti barangayda. # (Web In-Action)
Cabugao, Ilocos Sur – Naestablisar ti Sisterhood Relationship iti nagbaetan ti City of Makati ken iti Municipality of Cabugao, Ilocos Sur ket pormal a naaramid ti pannakapirma ti Sisterhood Agreement iti nagbaetan dagiti Opisiales ti dua a nadakamat nga ili idi Pebrero 19, 2013 iti Session Hall, 22nd Floor, New Makati City Hall Building, Makati City, Philippines.
Immuna a naaramid ti Video Presentation iti Local Governance babaen ti panangimaton ni Ms. Marjorie A. De Veyra, nakanta ti Philippine National Anthem babaen iti Makati City Chorale. Introduction of Makati City Officials babaen ken ni Atty. Eleno M. Mendoza, Jr., Administrator, City of Makati ken Introduction of Visiting Officials ni Atty. Francisco S. Roman, Head, International Relations Department.
Nangipaay ti Mensahe ni Vice President Jejomar Binay ti Republika ti Pilipinas kadagiti naitallaong kadayta a pasamak.
Naangay ti Sisterhood Signing Ceremony iti Session Hall, 22nd Floor, New Makati City Hall Building a kinagiddan ti Munisipalidad ti Cabugao dagiti dadduma nga LGU’s.
Iti biang ti Munisipalidad ti Cabugao, ni Mayor Edgardo S. Cobangbang, Jr. ti nakipinnirma iti Sisterhood Agreement idinto ta ni Hon. Mayor Jejomar Erwin S. Binay iti City of Makati.
Kalpasan ti Sisterhood Signing, naaramid ti Luncheon iti Office of the Mayor, Social Hall.
Naaramid pay ti VIP Tour iti Rescue 168 System iti tuktok ti Makati City Hall kadagiti delegasion ti LGU Cabugao babaen iti panangtarabay kadakuada ni Senior Adviser to the Vice President, Atty. Violy Somera-Seva.
Kadua ni Mayor Ediboy dagiti delegasion ti LGU Cabugao nga isuda SB Member Dr. Carlito S. Pano, SB Member Josefina S. Vallejo, SB Member Benedicto M. Savellano, SB Member Jemaima S. Tan-Yee ken SB Member Carlos V. Sison a nagatendar iti nasao a Sisterhood Signing. # (ab/photography)
