GRADUATION MASS, NAANGAY ITI CABUGAO CATHOLIC CHURCH

Cabugao, Ilocos Sur – Naangay ti Graduation Mass para iti amin a pageskuelaan ti Cabugao DepEd District, Cabugao, Ilocos Sur inton Marso 27-28, 2014.

Naangay ti Nasantuan a Misa iti Cabugao Catholic Church, Cabugao, Ilocos Sur a nagatendaran dagiti ubbing a Grade VI Pupils ken agraman dagiti Ranking Pupils ti Lower Grade Levels a tinarabay ida dagiti dadaulo ti pageskuelaan ken Adviser-Teachers-da.

Naangay ti Graduation Mass babaen ti panangannong ni Rev. Fr. Felix Costales, Parish Priest iti nasao a Simbaan iti bigat ti Marso 21, 2014. # (Web In-Action)

DAY CARE MASS RECOGNITION, NAGMENSAHE NI MAYOR EDIBOY

Cabugao, Ilocos Sur – Naangay ti Cabugao Day Care Mass Recognition, Cluster 1,  Batch 2014 iti Cabugao Cultural and Sports Complex, Brgy. Rizal, Cabugao, Ilocos Sur iti bigat ti  Marso 20, 2014.

Buklen ti Cluster 1 Day Care Centers ti Brgy. Aragan, Arnap, Bonifacio, Cacadiran, Daclapan, Marga-ay, Nagsincaoan, Pug-os, Sabang ken Salomague a  a naggaouan iti 201 nga ubbing a nagturpos iti Day Care.

Iti programa, immuna  a naaramid ti Grand March nga indauluan dagiti LGU Officials, Guest Speaker, MSWDO, Parents/Guardians, Brgy. Officials ken dadduma a bisita iti nasao a Recognition Ceremony.

Nangipaay ti Invocation ni Ms. Elizabeth Somera, Day Care Worker ti Sabang Day Care Center (DCC). Kalpasan a nakanta ti Pambansang Awit ken Cabugao Hymn, nag-Words of Welcome ni Princess Zyna Salamanca  iti Arnap Day Care Center.

Naisaganad ti Pinning of Ribbons kadagiti Graduates babaen kadagiti nagannak. Naisaruno ti Awarding of Medals to the Outstanding Graduates iti sangapulo a DCC  babaen kadagiti Donors.

Simmaruno ti Awarding of Gold Medals to the “Most Outstanding Graduates”  babaen ken ni Mayor Edgardo “Ediboy” S. Cobangbang, Jr.

Iti Mensahe ni Mayor Ediboy, kimmablaaw ken nagyaman ta dimmanon manenn ti tiempo ti panagturpos dagiti ubbing iti adal ket naragsak a makakita nga uray inosente dagitoy nga ubbing ket ipakpakitada ti awan pangisukatan dagiti nagannak/Guardians a buya a makagun-od dagiti ubbing iti Toga ken Ribbon.

Dinakamat ni Mayor Ediboy dagiti Day Care Workers (DCWs)  a  maibilang a maikadua a nagannak a mangtulong a mangmuli kadagiti ubbing. Ket inggunamgunam  ti Alkalde Munisipal a mataginayon koma ti napintas a linnangen dagiti nagannak/Guardians ken Teachers  a mangipatungpal kadagiti programa ken proyekto a mangpasayaat iti kasasaad dagiti ubbing nga agad-adal iti Day Care. Pinadayawan ti Ama ti Ili iti akem ti amin a nakipaset kadaytoy a seremonia ti panagturpos ket impeksana iti nabara a “Congratulations” kadagiti 201 a nagturpos nga ubbing. 

Kalpasan ti Valedictory Address ni Adriel Xian Baclig (Bonifacio DCC) ket  nai-Award dagiti Gold Medals kadagiti A-1 Child babaen kadagiti Donors a kaaduan a kameng ti Sangguniang Bayan nga idauluan ni Vice Mayor DJ Savellano.

Naaramid met ti Awarding of Gold Medals to the Participants of the Municipal & Provincial Children’s Congress babaen ti pannakagun-od dagiti ubbing iti tallo a DCC: Arnap, Bonifacio ken Salomague babaen ti kategoria ti Vocal Solo, Draw and Tell. Ni Vice Mayor DJ Savellano ti nangyukkor kadagiti medaliada dagiti innem nga ubbing a napadayawan.

Kalpasan ti Presentation of  the Graduates, kinompirmar ni MSWD Officer Mrs. Lydia S. Gazmen ti panagturpos dagiti 201 nga ubbing iti dayta nga aldaw. Pinadayawan ni Mrs. Gazmen ti agtultuloy nga akem dagiti Nagannak/Guardians a kadua dagiti Day Care Workers a mangtartarabay kadagiti ubbing tapno maiturong iti napintas a masakbayan ti panagadalda. Innayon ni Mrs. Gazmen a ti balligi ti ubing ket balligi met ti nagannak. Dinakamatna pay iti “commitment”  dagiti Day Care Workers (DCWs)  nga agserbisio ti napudno ken pinagyamananna ti suportar ti Barangay Council kadagitoy 10 a barangay a naggapuan dagiti naggraduar.

Introduction of the Guest Speaker ti inaramid ni Ms. Rizamarie Asunio, Pug-os DCW. Nagpaay a Guest Speaker ni Vice Mayor Deogracias Jose Victorino “DJ” H. Savellano. Anag ti Mensahe ti Bise Mayor a matibnokan koma ti agtultuloy nga  ayat iti panangsursuro kadagiti ubbing tapno maasa dagiti talentoda ket agbalinda a mapangnamnamaan  iti pamilia ken ti pagilianda.

Kalpasan ti Farewell Speech ni Jhune Carl Tisbe (Salomague DCC), naited dagiti Certificate dagiti ubbing a nagturpos ket indauluan ti Guest Speaker, Vice Mayor DJ  agraman dagiti Sanggunian Bayan Members kasta metten da MSWD Officer Mrs. Lydia S. Gazmen ken ni MSWD Assistant Leonora G. Reintar ti nangiyawat kadagiti sertipiko kadagiti ubbing a naggraduar.

Closing Remarks ti binagi ni Mrs. Lyzette Urbien,  Aragan DCW.

Nagpaay nga Emcee da Mr. Ferico S. Arcebal, Jr., Mrs. Florentina Saquiton ken ni Mrs. Rizamarie Asunio. # (Web In-Action) 

MFARMC MEETING, NAANGAY

Cabugao, Ilocos Sur – Naangay ti Meeting ti Municipal Fisheries and Aquatic Resource Management Council (MFARMC) ti ili a Cabugao, Ilocos Sur idi Marso 19, 2014 iti Opisinada iti Municipal Building, Cabugao, Ilocos Sur.

Nagatendar ti siam a dadaulo ti Fishermen Association ti pito a Coastal Barangays  ket trinatarda dagiti pakaseknan dagiti mangngalap ken kabaybayan.

Dagiti sumaganad ti natratar ken napagnunumuanda a maipatungpal.

1.Napasingkedan ti Organizational Structure ti MFARMC a mangrienda ti nagkaykaysa a grupo ti asosasion dagiti mangngalap.

2.Pannakaaramid ti Barangay Profile dagiti mangngalap ken maikkan ti tunggal Asosasion iti kopia dagiti Municipal Fishery Ordinances ti ili a pagibasaranda kadagiti plano ken programada a kayatda a maipakat.

3.Pannakailanad dagiti kalikagum dagiti mangngalap tapno mapagkaykaysa  a maidatag ti Municipal Agriculturist dagitoy iti Opisina ti Local Chief Executive.

4.Marehab/matarimaan dagiti Fish Sanctuaries ti lima a Coastal Barangays kas iti Brgy. Dardarat, Salomague, Namruangan, Salapasap ken Pug-os ken mabukel dagiti pagannurotan a mangsakup  kadagitoy a proyekto.

Imbinsa pay  ni Municipal Agriculturist Zenaida S. Andrada dagiti pagrebbengan ti MFARMC a tumulong iti LGU a mangipatungpal kadagiti programa ken proyekto para iti pagimbagan dagiti mangngalap ken iti pannakatagiben ti kabaybayan. 

Dagiti Opisiales ti MFARMC iti agdama: Ex-Brgy. Captain Danny S. Garcia, Chairman; Alfonso Asunio, Vice Chairman; Bonifacio Valle, Secretary; Rodel Anor, Treasurer; Ramon Frando, PRO; Magno Carbonel, Auditor; Ronald Villanueva, Sgt.-at-Arm. # (Web In-Action)

PTA ASSEMBLY MEETING TI CABUGAO SOUTH CS, NAANGAY

Cabugao, Ilocos Sur – Naangay ti General Assembly ti Parent-Teachers Association (PTA) iti Cabugao South Central School iti Multipurpose Hall ti nasao a pagadalan idi Marso 18, 2014.

Kalpasan iti panglukat a kararag ken iti pannakakanta ti Philippine National Anthem, naIuktan ti nasao a miting babaen iti panangipakita dagiti Mangisursuro iti CSCS babaen iti “Powerpoint Presentation”  dagiti nagapuanan ken nangabakan dagiti agad-adal nga ubbing  iti nadumaduma a tukad ti nasao a pagadalan kadagiti pakontes/pasalip  iti  Elementary  Subjects ken Extra-Curricular Activities a naangay iti benneg  ti Cabugao DepEd District ken iti Division DepED Level.

Dadduma pay a nataming ken napagkaykaysaan:

1.General Cleaning iti pageskuelaan a maangay iti Marso 19, 2014 sakbay ti panagserra ti klase.

2.Pannakaorganisar ti Alumni Association iti pageskuelaan tapno adda katulongan ti PTA nga agpaadda  iti pangpasayaat pay iti nasao a pagadalan.

3.Pannakaited ti aksion kadagiti pakaseknan dagiti dadduma a nagannak maipapan iti panagbasa dagiti annakda.

Nagatendar met ni Mrs. Melvie S. Sajonia, Principal II ti Cabugao South Central School iti nasao a miting.

Naballigi ti resulta dagiti naidatag nga Agenda a napagsasaritaan. # (Web In-Action)

RECOGNITION DAY TI NISTC DAY CARE, NAARAMID

Cabugao, Ilocos Sur -  Naaramid ti NISTC Day Care Center Recognition Day and Coronation Rites idi Marso 17, 2014 sadiay NISTC Public Market, Brgy. Rizal, Cabugao, Ilocos Sur.

Immuna a paset ti programa ti Recognition. Nag-Welcome Talk ni Mr. Reynaldo Lopez, NISTC Day Care Service Parents Group President. Nag-Words of Welcome ni Salahodhen Ibrahim. Naisaganad ti Children’s Wish babaen kadagiti Graduates. Naaramid  ti pannakaited ti Awards kadagiti Most Outstanding, Outstanding ken Most Improved Graduates.

Kalpasan ti pannakaaramid dagiti Intermission Numbers, naipaay  ti Delivery of the Mantle of Responsibility babaen ken ni Charmaine  Agabao, Most Outstanding Graduate. Acceptance of the Mantle of Responsibility  ti binagi ni Salahodhen Ibrahim.

Naited pay ti Gold Medals iti nakagun-od iti Academic Awards, Loyalty Awards, Meritorious Awards ken Special Awards babaen kadagiti nagannak. Nag-Closing Remarks ni Mrs. Lina Paet. Master of Ceremony da Mr. Rudy Ilar ken ni Mr. Ferico Arcebal.

Iti naaramid a Coronation Rites, kinoronaan da Brgy. Rizal Kagawad Victorino Sonido ken ni Brgy. Treasurer Ms. Lutgarda Galamgam ni King Jamaloden Mustapha 1st idinto ta da Kagawad Christian Fernandez ken ni Kagawad Marina G. Acosta ti nangisaad ti korona ni Queen Antonia Sofia Inong 1st. Innem a paris a Prin sipe ken Prinsesa iti nangbukel ti Royal Court. # (Web In-Action) 

CABUGAO, TOP LGU ITI 2013 DA RICE ACHIEVER’S AWARD

Cabugao, Ilocos Sur – Inawat itay nabiit  ni Mayor Edgardo S. Cobangbang, Jr. ti nagun-od ti LGU-Cabugao a Pammadayaw   (maikadua a Top Municipalities) iti intero a Pilipinas   manipud iti “Search for the CY 2013 Agri-Pinoy Rice Achiever’s Award” kas  maysa kadagiti “Outstanding Municipalities  and LGU Agri-Extension Workers” iti babaen ti National Rice Program iti Department of Agriculture (DA) nga idauluan ni DA Secretary Proceso J. Alcala.

Nadakamat iti nasao a pammadayaw a napili ken napadayawan  ti LGU-Cabugao maigapu iti positibo ken adu a naitulongna iti pannakaidur-as ti produksion ti pagay iti Region 1 iti Tawen 2013.

Ibagian met da Municipal Agriculturist Zenaida S. Andrada ken ni Mr. Nereo S. Daproza, Municipal Rice Program Coordinator, dagiti mapadayawan iti Outstanding Agricultural Extension Workers (AEWs) a napan nangbayabay ken ni Mayor Ediboy ken nangala metten ti naited a premioda idiay Manila.

Ti Search ket nangrugi a nailunsad idi Tawen 2012 ket tinawen a maang-angay daytoy babaen iti panangtarawidwid ti  DA-National Rice Program babaen ken ni DA Undersecretary Dante S. Delima, Chairperson,  2013 National Rice Achiever’s Award tapno maallukoy dagiti LGUs a makipartisipar  ken mangsuportar iti programa ti Ahensia ti DA ken ti Gobierno Nasional iti “Rice Self-Sufficiency”. 

Ti Top 48 Municipalities a pakaibilangan ti LGU-Cabugao  ket umawat iti premio a 1  Million Pesos (Project Grants) idinto ta P20,000 ti Premio nga awaten ti tunggal Outstanding Agriculture Extension Workers Awardee. # (Web In-Action)

GUEST OF HONOR AND SPEAKER NI MAYOR EDIBOY ITI GSP-IS

Cabugao, Ilocos Sur – Naaramid ti District Committee and Awards Ceremonies ti GSP-Ilocos Sur Council idiay Girl Scout Auditorium, City of Vigan idi Marso 15, 2014 a nagatendaran dagiti GSP Officials ti intero a Probinsia ti Ilocos Sur.

Immuna a naaramid ti Prayer nga indauluan ni Mrs. Herminia  S. Cuyo, Chairman, NES Committee, Ilocos Sur Girl Scout Council. Kalpasan ti pannakakanta ti Pambansang Awit, nag-Welcome Greetings ni Dr. Germelina A. Artates, Council Secretary, Ilocos Sur Girl Scout Council. 

Simmaruno ti Farewell March of Queen 2013 nga isu ni Mrs. Gemma B. Raso, Caoayan GS District Committee. Naisaganad ti Entrance of the Royal Court.

Naisaganad  ti Duchess of Understanding nga isu ni Mrs. Ehlafe E. Yere, Sinait GS District Committee. Kinoronaan da  Dr. Nenita A. Pacis, Commissioner on Program, Ilocos Sur GS Council a kaduana ni Bokal Edgar I. Yabes.

Naisaruno a nakoronaan ni Duchess of Goodwill nga isu ni Mrs. Channelle Q. Hizon, Caoayan GS District Committee ken kinoronaan da Mrs. Criselda P. Grey, Troop Leader, Caoayan Central School ken ni Mr. Pepe B. Tolentino, Principal IV, Caoayan Central School.

Introduction of the Guest Speaker ni Dr. Loraine R. Pe Benito, Council Board Member, Ilocos Sur GS Council.
Inspirational Message ni Mayor Edgardo S. Cobangbang, Jr. ti ili a Cabugao, Ilocos Sur a Guest of Honor and Speaker.

Kimmablaaw ken nagyaman ni Mayor Ediboy iti naited kenkuana a gundaway a mangted iti kapanunotan iti napintas a pakasaritaan daytoy nga institusion ti babbai a pagtuladan dagiti ub-ubbing ken manghulma kadakuada nga agbalin a lider iti masakbayan.

Innayon ni Mayor Ediboy a babaen kadagitoy a taripnong ket gubuayenna ti napintas a maaramidan ti tunggal maysa a mangpadur-as iti sektor a nakipasetanda.

Pinadayawanna met ti amin a naitaripnong iti panangibinglayda ti panawenda ken ti akemda a makipagmuli iti napintas a pagbanagan dagiti ubbing ken agtutubo para iti nadur-as a masakbayanda nga agad-adal.
Kinoronaan ni Mayor Ediboy ni Queen of Justice,  Mrs. Liza S. Bucao, Cabugao GS District Committee ken kaduana ni Mrs. Helen V. Siruno, District Supervisor ti Cabugao DepEd District.

Kalpasan ti Presentation ti Cabugao GS District Committee, naaramid ti Awarding of Plaques and GSP National Pins & Certificates babaen ti Ilocos Sur GS Council Board Members.
Dagiti Awardees ti Cabugao District: Bronze Trefoil Service Pin-Troop Leaders,   Ms. Digna R. Talusig, Cabugao North Central School ken ni  Ms. Dionne Braceros, CNCS; Other Adult Members, Dr. Artemio Seatriz ken ni SBM Vicky S. Serna, agpada a naggapu iti Cabugao District.

 Silver Trefoil Service Pin-Troop Leaders, Ms. Rowena Siena, Catucdaan ES ken ni Ms. Janet Carsola ti Sisim ES; Gold Trefoil Service Pin-Troop Leader, Ms. Vilma Suniega, Catucdaan ES. 

 Nangted met ti Words of Gratitude ni Mrs. Zenaida Cecilia D. Acena, Council President. # (Web In-Action)