Cabugao, Ilocos Sur – Agtultuloy latta ti panagserbisio dagiti kameng ti Municipal Agrarian Reform Office (MARO) Cabugao kas parupa ti Ahensia ti Depatment of Agrarian Reform (DAR) a mangatendar ti kasapulan dagiti umili iti pakaseknan ti daga, relasion ti agtaltalon ken agtagikua ti daga, ken kadagiti programada kadagiti mannalon partikular iti kooperatiba a masakupan ti DAR.
Ni Ms. Elizabeth S. Pablico, DPA, ti nadutokan ita a Caretaker iti opisina ti MARO ti Cabugao. Katinnulongna da Agrarian Reform Field Technicians (ARFT’s) Teddy Par ken Rolly Tanda a mangisayangkat kadagiti programa ti opisinada.
Dagiti sumaganad ti pakabuklan ti akemda para iti umili:
- Land Acquisition and Distribution (LAD) – agtultuloy a pannakaiwaras ti panagtagikua kadagiti potensial ngem awanan ti daga a mannalon.
- Transfer Action – sertipikaran ti opisina ti MARO ti kasasaad dagiti mailako ken magatang a dagdaga.
- Mediation/Concilliation – kas koma no mapasamak ti Tenant-landowner disputes, Sub-lease (panangiyawat iti sabali nga agtrabaho iti aywan a daga sa paabangan) ken non-remittance ti rentals (abang) ti ob-obraen a daga.
- Panangpapigsa kadagiti kooperatiba nga adda iti salinong ti DAR-MARO.
Itay nabiit, naangay ti Agrarian Level of Development Assessment (ALDA) babaen ti panangtarawidwid ti pannakabagi ti DAR Provincial Office, ken inasistiran da MARO Caretaker Elizabeth S. Pablico, DPA ken Mr. Nereo S. Daproza, Municipal Technologist ken Municipal Cooperatives Coordinator kadagiti DAR-Assisted Cooperatives ti Cabugao.
Nagatendar dagiti opisiales ken kameng ti kooperatiba ket inamirisda ti nakaarusan a paset ti aktibidadesda sa naaramidan ti plano a mangpapigsa kadayta a paset ti programa para iti Tawen 2012. Dagitoy a kooperatiba ket parte ti Agrarian Reform Communities (ARC’s) kadagitoy a barangays.
RANG-AY ARC’s | ARAPAAP ARC’s |
Bato-Cabulalaan | Aragan |
Reppa-ac | Nagsincaoan |
Alinaay | Cacadiran |
Sisim | Carusipan |
Catucdaan | Arnap |
Maradodon | Cuantacla |
Lipit | |
Cuantacla |
No comments:
Post a Comment