Cabugao, Ilocos Sur –Simmangbay ti delegasion ti County Council ti Maui, Estado ti Hawaii, nga indauluan ni Vice Mayor Keith A. Regan idi Pebrero 9, 2012 ditoy Munisipio ti Cabugao. Sinabat ti Pamilia-LGU iti panangidaulo ni Mayor Edgardo “Ediboy” S. Cobangbang, Jr. ken Vice Mayor Danny Q. Gazmen kasta met dagiti kameng ti Sangguniang Bayan dagiti bisita.
Kalpasan ti innabrasa, picture-taking, ken panagpapatang, nagturong ti delegasion iti Port Salomague ken binayabay met laeng dagiti opisiales ken personnel ti LGU nga idauluan ni Mayor Ediboy. Naidaton ti sabong iti sakaanan ti Monumento ti Sakada a naipasdek iti ikub ti inaladan ti Barangay Hall ti Barangay Salomague. Naaramid ti pannakaala ti pakalaglagipan a grupo a ladawan ken “panaginnalamano ti panagginnayyem” dagiti opisiales ti agsumbangir a delegasion iti sanguanan ti Monumento.
Kalpasanna, linak-amda ti naisagana a mapagsasanguan. Naggrupo dagiti mediamen a nanginterbiu ken ni Vice Mayor Keith A. Regan, Council Chairman Danny A. Mateo kasta met ken ni Mayor Ediboy.
Iti pannakainterbiu ken panagsarita ni Vice Mayor Regan, dinayawna ti kinapintas ti pagilian ken iti napnapananda nga ili ken lugar a pakairamanan ti ili ti Cabugao. Dinakamatna ti historikal a disso a nagrubuatan ti Sakada a nangitunda ti panagrusing ti komunidad ti Pilipino idiay Estado ti Hawaii. “Energetic leader!” kasta ti panangiladawan ni Vice Mayor Regan ken ni Mayor Ediboy. Impeksa pay ti Bise Mayor iti napintas nga impresionna iti benneg ti agrikultura a nakitana, nadalus nga aglawlaw, nagaget ken managsangaili a tattao a madanonanda iti napananda.
Iti pannakainterbiu ken panagsarita ni Vice Mayor Regan, dinayawna ti kinapintas ti pagilian ken iti napnapananda nga ili ken lugar a pakairamanan ti ili ti Cabugao. Dinakamatna ti historikal a disso a nagrubuatan ti Sakada a nangitunda ti panagrusing ti komunidad ti Pilipino idiay Estado ti Hawaii. “Energetic leader!” kasta ti panangiladawan ni Vice Mayor Regan ken ni Mayor Ediboy. Impeksa pay ti Bise Mayor iti napintas nga impresionna iti benneg ti agrikultura a nakitana, nadalus nga aglawlaw, nagaget ken managsangaili a tattao a madanonanda iti napananda.
Simmaruno a paset ti itineraria-da ket iti papanda idiay Heritage City, Siudad ti Vigan. Naragsak ti agsumbangir a nagpinnakada.
Nakipaset iti pannakasangaili dagiti bisita da SB Member Vicky S. Serna, SB Member Carlito S. Pano, M.D., SB Member Josefina S. Vallejo, SB Member Benedicto M. Savellano ken ABC President Thaddeus U. Soller. # (Web In-Action)
COUNTY OF MAUI OFFICIAL DELEGATES
Vice Mayor Keith A. Regan
Council Chairperson Danny A. Mateo
Council Member Gladys C. Baisa
Council Chairperson Danny A. Mateo
Council Member Gladys C. Baisa
Council Member Donald G. Couch
Council Member Elle K. Cochran
Deputy Chief of Staff Kit C. Zulueta
Council Member Elle K. Cochran
Deputy Chief of Staff Kit C. Zulueta
President, Maui Filipino Chamber of Commerce Sharon Zalsos
Guests:
Sherman Baisa – Husband of Gladys Baisa
Sherman Baisa, Jr. – Son
Candace Baisa – Daughter in-law
No comments:
Post a Comment