Cabugao, Ilocos Sur – Naisangpet ti Municipal Bus idi Enero 31, 2012 a ginatang ti Local Government Unit (LGU)-Cabugao babaen ti panangilungalong ni Mayor Edgardo “Ediboy” S. Cobangbang, Jr. tapno adda mausar para iti transportasion dagiti maiprograma nga educational tour dagiti opisina ti LGU ken kaarngina a pakausaran nga agserbi para iti umili.
Nabendisionan daytoy a mainayon a lugan ti Munisipio ita nga aldaw, Pebrero 1, 2012 babaen ti panangannong ni Rev. Fr. Felicisimo “Rudy” Ferrer, Kura Paroko ti ili iti imatang ti Pamilia-LGU nga idauluan ni Mayor Ediboy. Nakikaysa met dagiti kameng ti Sangguniang Bayan nga idauluan ni Vice Mayor Danny Q. Gazmen ken Kakapitanes ti barangay nga idauluan ni ABC President, Rizal Brgy. Captain Teddy U. Soller ken dadduma pay nga umili a nakipaset iti nadakamat a pasamak.
Nagtaud ti naigatang iti bus manipud iti Municipal Share ti RA 7171 ken nagatang sadiay AJU Global Transport Corporation, Paranaque City. # (Web In-Action)
No comments:
Post a Comment